الماتىدا ءۇيدىڭ كىرەبەرىس ەسىگى بالانىڭ ۇستىنە قۇلاپ ءتۇستى - ۆيدەو
«الما سيتي 2» پاتەر يەلەرى كووپەراتيۆىنىڭ ءتوراعاسى قانات قايىربايەۆتىڭ ايتۋىنشا، ءۇي تۇرعىندارى ەسىكتى ابايلاماي، ۇقىپسىز پايدالانعان.
«وسىعان بايلانىستى پودەزد ەسىگى سىنعان. بۇل ءوز كەزەگىندە توتەنشە جاعدايعا سەبەپ بولدى. ەسىكتى ۇقىپسىز، قالاي بولسا سولاي پايدالانعان ادامداردىڭ كىم ەكەنى انىقتالىپ جاتىر»، - دەيدى پ ي ك ءتوراعاسى.
الماتى قالالىق قوعامدىق دەنساۋلىق ساقتاۋ باسقارماسى بالانىڭ اۋرۋحاناعا جەتكىزىلگەنىن، جاعدايى ءبىرقالىپتى حابارلادى.
«بالا جەدەل جاردەم كولىگىمەن N2 بالالار قالالىق كلينيكالىق اۋرۋحاناسىنا جەتكىزىلدى. وعان مەديتسينالىق اپپاراتپەن تەكسەرۋ جاسالدى، ياعني بالانىڭ باسىنا ك ت جاسالدى. اۋرۋحاناعا جاتقىزاتىنداي كورسەتىلىم بولعان جوق، ۇسىنىس بويىنشا امبۋلاتوريالىق ەمدەلۋگە جىبەرىلدى. بالانىڭ اقىل-ەسىنە زاقىم كەلمەگەن»، - دەپ حابارلادى ۆەدومستۆو.
