07:33, 19 - مامىر 2023 | GMT +5
ديماش قۇدايبەرگەن ورتالىق ازيا ەلدەرى باسشىلارى جانە شي جينپيڭنىڭ الدىندا ونەر كورسەتتى - ۆيدەو
استانا. قازاقپارات - تانىمال قازاقستاندىق ءانشى ديماش قۇدايبەرگەن ورتالىق ازيا ەلدەرى باسشىلارى جانە شي جينپيڭنىڭ الدىندا ونەر كورسەتتى، دەپ حابارلايدى قازاقپارات.
شيان قالاسىنداعى لوتوس ساياباعىندا «ورتالىق ازيا - قىتاي» سامميتىنە قاتىسۋشى مەملەكەتتەر باسشىلارىن رەسمي قارسى الۋ ءراسىمى ءوتتى.
ساراي الدىنداعى الاڭدا قازاقستان پرەزيدەنتى قاسىم-جومارت توقايەۆ، ق ح ر ءتوراعاسى شي جينپيڭ، قىرعىزستان پرەزيدەنتى سادىر جاپاروۆ، تاجىكستان پرەزيدەنتى ەمومالي راحمون، تۇرىكمەنستان پرەزيدەنتى سەردار بەردىمۇحامەدوۆ، وزبەكستان پرەزيدەنتى شاۆكات ميرزيەيەۆ تەاترلاندىرىلعان قويىلىمدى تاماشالادى.
ودان كەيىن ورتالىق ازيا ەلدەرى باسشىلارى جانە شي جينپيڭنىڭ الدىندا تانىمال قازاقستاندىق ءانشى ديماش قۇدايبەرگەن ونەر كورسەتتى.
ايتا كەتەيىك، «ورتالىق ازيا - قىتاي» سامميتىنىڭ نەگىزگى ءىس-شارالارى بۇگىنگە جوسپارلانعان.
