جىل باسىنان قازاقستاندا قانشا سايت بۇعاتتالدى

استانا. قازاقپارات - ورتالىق كوممۋنيكاتسيالار قىزمەتىندە وتكەن بريفينگىدە ىشكى ىستەر مينيسترلىگى اكىمشىلىك پوليتسيا كوميتەتى ءتوراعاسىنىڭ ورىنباسارى رەنات زۇلحايىروۆ كامەلەتكە تولماعاندارعا قاتىستى جىنىستىق سيپاتتاعى قىلمىستار تۋرالى باياندادى، دەپ حابارلايدى قازاقپارات ءتىلشىسى.

«كامەلەت جاسقا تولماعاندارعا قاتىستى جىنىستىق سيپاتتاعى قىلمىستاردىڭ %60 استامىن اينالاسىنداعىلار جاسايدى. اتاپ ايتقاندا، اكەلەر، وگەي اتا-انا جانە جاقىن تانىستارى. مۇنداي قىلمىستاردىڭ %40، بىلاي ايتقاندا 16 جاسقا تولماعان اداممەن ەرىكتى كەلىسىم نەگىزدە جاسالادى. قازاقستاندا مۇنداي قىلمىستاردى كوبىنە 18 جاستان 25 جاسقا دەيىنگى ادامدار جاساپ جاتادى»، - دەدى رەنات زۇلحايىروۆ.

ونىڭ ايتۋىنشا، جىنىستىق سيپاتتاعى قىلمىستارعا مورالدىق تاربيەنىڭ تومەندىگى مەن ينتەرنەت كەڭىستىگىنىڭ اشىقتىعى كەسىرىن تيگىزىپ وتىر.

«ءبىز اقپارات جانە قوعامدىق دامۋ مينيسترلىگىمەن بىرگە زاڭسىز مازمۇنداعى مالىمەتتەردى انىقتايمىز. بيىلدىڭ وزىندە وسىنداي سيپاتتاعى 5 مىڭنان اسا سايت بەلگىلى بولدى. بۇگىندە ونىڭ 1,5 مىڭنان استامى بۇعاتتالدى»، - دەپ تۇيىندەدى كوميتەت ءتوراعاسىنىڭ ورىنباسارى.

رەنات زۇلحايىروۆ مالىمدەۋىنشە، جىل سايىن كوشەدە بەيمەزگىل جۇرگەن 100 مىڭنان اسا بالا پوليتسياعا جەتكىزىلەدى.