ەلىمىزدەگى ەڭ قىمبات اسابالار

استانا. قازاقپارات - توي دەسە قۋ باسى دومالايتىن قازاقتاردىڭ توي جاساعاندا كوپ شىعىندالاتىنى انىق. ءتىپتى ەلدەن قالماي، دۇبىرلەتىپ توي جاساۋ ءۇشىن نەسيە الىپ جاتاتىندارى دا جاسىرىن ەمەس. تويدىڭ قىزىقتى ءوتۋى تىكەلەي اساباعا بايلانىستى.

Massaget.kz ءتىلشىسى ەلىمىزدەگى گونارارى قىمبات اسابا، شوۋمەندەرگە شولۋ جاساپ شىققان ەدى.

توي جۇرگىزۋ قىزمەتىندە كوشتىڭ باسىن بەرمەيتىن - تۇرسىنبەك قاباتوۆ.

تۇرسىنبەك قاباتوۆ - 5 ميلليون تەڭگە

«ءازىل الەمى» تەاترىنىڭ ديرەكتورى، ازىلكەش، اسابا تۇرسىنبەك قاباتوۆتى تويىڭىزدا كورگىڭىز كەلسە، قالتاڭىزدا كەمى 5 ميلليون تەڭگە بولۋى كەرەك. ول سوما ىشىنە ءسىز تويدا كورەتىن ءبيشى، ءانشى، فوتو، ۆيدەو تۇسىرىلىمدەرى كىرمەيدى! ونەرپازدىڭ ءوزىن عانا وسى باعاعا شاقىرا الاسىز. ءبىراق ونەر يەسى 5 ميلليون تەڭگەگە تويىڭىزدى ەستەن كەتپەستەي وتكىزىپ بەرۋگە دايىن.

نۇرجان تولەنديەۆ - 2 ميلليون تەڭگە

«الداراسپان» تەاترىنىڭ ديرەكتورى، ءازىلدىڭ مايتالمانى، تۋكا لاقاپ اتىمەن ەلدىڭ كوڭىلىنەن شىققان نۇرجان تولەنديەۆتى ءوز قۋانىشىڭىزدا كورگىڭىز كەلسە، وندا 2 ميلليون تەڭگە ساناپ بەرۋىڭىز كەرەك. ەگەر تويدى باسقا قالادا جاسايتىن بولساڭىز وندا ازىلكەشتىڭ ۇشاققا بيلەتىن، تۇراقتايىن 4 كەمى 5 جۇلدىزدى قوناق ءۇيىن قامتاماسىز ەتۋىڭىز قاجەت. ەگەر ازىلكەشتىڭ وسى تالاپتارىنا كونسەڭىز وندا اكتەر قۋانىشىڭىزعا كەلەدى. ايتا كەتەيىك، ونەرپازعا توي كۇنىنەن 2 اي بۇرىن حابارلاسۋىڭىز قاجەت.

رۋسلان ىسقاقوۆ - 1 ميلليون تەڭگە

زامان تالابىنا ساي اسابا، شوۋمەن كەرەك دەسەڭىز رۋسلان ىسقاقوۆ سىزگە كومەككە كەلەدى. ەل اراسىندا تانىمالدىلىققا يە بولعان شوۋمەننىڭ الماتى قالاسى بويىنشا باعاسى - 1 ميلليون تەڭگە. وسى سومانى اساباعا ساناپ بەرەر بولساڭىز وندا ءوزىنىڭ اۋەن ارلەۋشىسىمەن كەلىپ تويىڭىزدى ويداعىداي وتكىزۋگە ۋادە بەرەدى.

قانات ءالجاپباروۆ - 800.000 تەڭگە

اكتەر، ازىلكەش قانات ءالجاپباروۆتىڭ تويداعى گونارارى 800 مىڭ تەڭگە. ءبىراق ەشقانداي رايدەرى جوق. بار بولعانى 200 مىڭ تەڭگە الدىن الا تولەم جاساساڭىز بولعانى. جەكە ءوزى كەلىپ قۋانىشىڭىزدى وتكىزىپ بەرەدى. ەگەر ءبيشى، ءانشى، فوتو، ۆيدەو ءتۇسىرىلىم اكتەرمەن بىرگە كەلسىن دەسەڭىز وندا 1 ميلليون 100 مىڭ تەڭگە اقى تولەۋىڭىز قاجەت.

ايبات نيكۋللين - 650.000 تەڭگە

الەۋمەتتىك جەلىدە تانىلعان اسابا ايبات نيكۋلليندى تويىڭىزعا شاقىرۋ ءۇشىن 650.000 مىڭ تەڭگە تولەۋىڭىز قاجەت. شوۋمەن قاراعاندى قالاسىندا تۇرادى. ەگەر باسقا، قالاعا شاقىراتىن بولساڭىز وندا 2 ادامعا ۇشاققا بيلەتىن، تۇراتىن جەرىن قامتاماسىز ەتۋىڭىز كەرەك. باستىسى توي حالال ءوتۋى شارت.

جانبولات نايزابەكوۆ - 600.000 تەڭگە

«ونەر قىراندارى» تەاترىنىڭ اكتەرى، ازىلكەش ەل اراسىندا Coco Jambo لاقاپ اتىمەن تانىلعان جانبولات نايزابەك الماتى قالاسى بويىنشا توي جۇرگىزۋى 600 مىڭ تەڭگە. ەگەر ونەر جۇلدىزىن تويىڭىزدا كورگىڭىز كەلسە قۋانىشىڭىز حالال بولۋى شارت.