جامبىل وبلىسى مال سانى بويىنشا رەسپۋبليكادا ەكىنشى ورىندا تۇر

تاراز. قازاقپارات - جامبىل وبلىسى مال سانى بويىنشا ەكىنشى ورىندا. بۇل تۋرالى وڭىرلىك كوممۋنيكاتسيالار قىزمەتىندە وبلىستىق ۆەتەريناريا باسقارماسىنىڭ باسشىسى نۇرجاس قۇرمانتايەۆ مالىمدەدى، دەپ حابارلايدى قازاقپارات ءتىلشىسى.

باسقارما باسشىسىنىڭ ايتۋىنشا، 4 ايدا اۋىل شارۋاشىلىعى جانۋارلارىن بىردەيلەندىرۋ دەرەكقورىندا بارلىعى 4,5 ميلليون باس اۋىل شارۋاشىلىعى جانۋارى تىركەلگەن.

ونىڭ 522 مىڭ باسى - ءىرى قارا، 3,8 ميلليون - ۇساق مال، 8 مىڭ باس - شوشقا، 180 مىڭ باس - جىلقى، 7,5 مىڭ باس - تۇيە مالى.

وبلىس وسىلايشا مال سانى جونىنەن رەسپۋبليكا بويىنشا ەكىنشى ورىندا.

بريفينگ بارىسىندا باسقارما باسشىسى وبلىستا اتقارىلىپ جاتقان جۇمىستارعا كەڭىنەن توقتالدى.

«دەزينفەكتسيالىق ءدارى- دارمەككە بەرىلگەن وتىنىمگە سايكەس، وبلىستىق بيۋدجەتتەن تىكەلەي اۋداندارعا بارلىعى 83 م ل 842 مىڭ تەڭگە ءبولىنىپ، اكاراتسيد پرەپاراتتارى ساتىپ الىندى. 24 ەلدى مەكەندە جەكە قوسالقى شارۋاشىلىقتار يەلىگىندەگى ءمۇيىزدى ءىرى قارانىڭ انالىق باسىن قولدان ۇرىقتاندىرۋ جوسپارلاندى. بۇدان بولەك، ۆەتەرينار مامانداردىڭ مارتەبەسىن ايقىنداۋ جانە ۆەتەريناريا سالاسىن تسيفرلاندىرۋ باعىتىندا قولدانىستاعى زاڭناما اياسىندا ۆەتەرينار ماماندار ازاماتتىق قىزمەتشىلەر قاتارىنا قوسىلدى. I- Ⅱپاتوگەندى اۋرۋلارمەن جۇمىس اتقاراتىن ۆەتەرينار دارىگەرلەردىڭ جالاقىسى 35-50 پايىز ارالىعىندا كوتەرىلدى» ، - دەدى نۇرجاس قۇرمانتايەۆ.

ايتا كەتەيىك، بۇعان دەيىن فەرمەرلەردىڭ اتىنان سۋبسيديا الىپ كەلگەندەر اشكەرەلەنگەنىن جازعان بولاتىنبىز.