قازاقستاندا ورتاشا زەينەتاقى كولەمى بەلگىلى بولدى

استانا. قازاقپارات - 2023-جىلعى 1- مامىرداعى جاعداي بويىنشا جيىنتىق زەينەتاقىنىڭ ورتاشا مولشەرى 120686 تەڭگەنى قۇرادى، ونىڭ ىشىندە ىنتىماقتى زەينەتاقى مولشەرى - 82851 تەڭگە، بازالىق زەينەتاقى - 37835 تەڭگە.

1- مامىرداعى جاعداي بويىنشا ەلىمىزدە 2 ميلليون 297 مىڭ زەينەتكەر تۇرادى.

«جىل باسىنان بەرى 1 تريلليون تەڭگەدەن استام زەينەتاقى تولەندى، ونىڭ 337,4 ميلليارد تەڭگەسى بازالىق زەينەتاقىنى تولەۋگە، 761,5 ميلليارد تەڭگەسى ىنتىماقتى زەينەتاقىنى تولەۋگە باعىتتالدى»، - دەپ حابارلادى ەڭبەك جانە حالىقتى الەۋمەتتىك قورعاۋ مينيسترلىگى.

2018-جىلعى 1- شىلدەدەن باستاپ مەملەكەتتىك بازالىق زەينەتاقى تولەمى ءاربىر الۋشىعا ونىڭ زەينەتاقى جۇيەسىنە قاتىسۋ ءوتىلى ەسكەرىلە وتىرىپ، جەكە تاعايىندالادى.

بۇعان دەيىن ب ج ز ق قازاقستاندىقتاردىڭ ەسەپشوتىنا قىزمەت كورسەتكەنى ءۇشىن كوميسسيانى قىسقارتاتىنى بەلگىلى بولعان.