ق ر پرەزيدەنتى قىتايداعى ءبىرقاتار كومپانيا باسشىلارىمەن كەزدەسۋ وتكىزدى
China National Petroleum Corporation كومپانياسىنىڭ باسقارما ءتوراعاسىن داي حوۋليانمەن كەزدەسۋ بارىسىندا ەنەرگەتيكا سالاسىنداعى ىنتىماقتاستىق جانە مۇناي مەن گازدى تاسىمالداۋ، قايتا وڭدەۋ ماسەلەلەرى تالقىلاندى.
پرەزيدەنتكە CNPC كومپانياسىنىڭ قازاقستان تاراپىمەن ءوزارا ءىس- ارەكەتتەردى نىعايتۋ جونىندەگى جوسپارى تۋرالى مالىمەت بەرىلدى. اتاپ ايتقاندا، شىمكەنت مۇناي وڭدەۋ زاۋىتىنىڭ وندىرىستىك قۋاتىن ارتتىرۋ، قازاقستان- قىتاي مۇناي قۇبىرىنىڭ وتكىزۋ مۇمكىندىكتەرىن كۇشەيتۋ جانە باسقا دا ماسەلەلەر قاراستىرىلىپ جاتىر.
قاسىم- جومارت توقايەۆ CNPC كومپانياسى قازاقستاننىڭ ەنەرگەتيكا سالاسىنداعى بۇرىننان كەلە جاتقان ستراتەگيالىق سەرىكتەسى ەكەنىن اتاپ ءوتتى.
مەملەكەت باسشىسى State Power Investment Corporation كومپانياسىنىڭ باسقارما ءتوراعاسى تسيان چجيمينمەن كەزدەسۋدە جاڭارتىلاتىن ەنەرگيا كوزدەرى سالاسىنداعى جوبالاردى ىسكە اسىرۋ ماسەلەلەرى تالقىلادى.
قىتايدىڭ ءىرى ەنەرگەتيكالىق كومپانيالارىنىڭ قاتارىنا كىرەتىن State Power Investment Corporation قازاقستاننىڭ جاسىل ەنەرگەتيكا سالاسىنداعى جوبالارىنا بەلسەندى تۇردە ينۆەستيتسيا قۇيادى.
قاسىم- جومارت توقايەۆ كومپانيانىڭ جامبىل وبلىسىندا قۋاتى 1 گۆت بولاتىن اۋقىمدى جەل ەلەكتر ستانتسياسىن سالۋ جونىندەگى باستاماسىن قولدادى. پرەزيدەنتكە State Power Investment Corporation كومپانياسىنىڭ قازاقستاندا جەل ەلەكتر ستانتسيالارىنا ارنالعان قۇرال- جابدىق ءوندىرىسىن ىسكە قوسۋ نيەتى تۋرالى مالىمەت بەرىلدى.
ءوز كەزەگىندە جيان چجيمين الەۋمەتتىك جاۋاپكەرشىلىك اياسىندا ونىڭ كومپانياسى قازاقستاننىڭ وڭتۇستىگىندە قۋاتى 200 گ كاللعا دەيىن جەتەتىن جىلۋ ستانتسياسىن سالۋدى جوسپارلاپ وتىرعانىن جەتكىزدى.
سونىمەن قاتار كەزدەسۋدە State Power Investment Corporation كومپانياسىنىڭ تەحنولوگيالىق جانە عىلىمي- زەرتتەۋ تاجىريبەسى مول ەكەنى ەسكەرىلىپ، «جاسىل» سۋتەگى ءوندىرىسى سالاسىنداعى ىنتىماقتاستىق پەرسپەكتيۆالارى قاراستىرىلدى.
CITIC Group كومپانياسىنىڭ باسقارما ءتوراعاسى چجۋ حەسينمەن اڭگىمەلەسۋ بارىسىندا مەملەكەت باسشىسىنا بۇگىن CITIC كومپانياسى ەنەرگەتيكا جانە مۇناي حيمياسى ونەركاسىبى سالالارىنداعى جوبالاردى بىرلەسىپ ىسكە اسىرۋ ءۇشىن قازاقستاندىق ارىپتەستەرىمەن بەس كوممەرتسيالىق قۇجاتقا قول قويعانى تۋرالى مالىمەت بەرىلدى. كەلىسىمدەردىڭ جالپى كولەمى 1,6 ميلليارد دوللاردان اسادى.
قاسىم- جومارت توقايەۆ CITIC Group كومپانياسى قازاقستاننىڭ سەنىمدى ينۆەستيتسيالىق سەرىكتەسى ەكەنىن اتاپ ءوتىپ، كاسىپورىنعا تابىس تىلەدى.
China Nonferrous Metal Mining كومپانياسىنىڭ باس ديرەكتورى چجان تسزينتسزيۋنمەن اڭگىمەلەسۋ بارىسىندا تاۋ- كەن مەتاللۋرگياسى جانە شيكىزاتتى تەرەڭ وڭدەۋ سالالارىنداعى جوبالاردى جۇزەگە اسىرۋ ماسەلەلەرى قاراستىرىلدى.
قاسىم- جومارت توقايەۆقا قىتايلىق كومپانيانىڭ KAZ Minerals كاسىپورنىمەن بىرلەسىپ، قازاقستاندا مىس بالقىتۋ زاۋىتىن سالۋ جونىندەگى جوبانى جۇزەگە اسىرۋ جوسپارى تۋرالى مالىمەت بەرىلدى.
مەملەكەت باسشىسى مۇنداي ءىرى جوبالاردى ىسكە اسىرۋ ەلدەرىمىز اراسىنداعى تابىستى سەرىكتەستىكتىڭ ناتيجەسى ەكەنىن اتاپ ءوتتى.
ازيا ينفراقۇرىلىمدىق ينۆەستيتسيالار بانكىنىڭ پرەزيدەنتى جين ليتسيۋنمەن اڭگىمەلەسۋ بارىسىندا قارجى ينستيتۋتىنىڭ قازاقستانداعى قىزمەتىن دامىتۋعا قاتىستى الداعى جوسپارى تالقىلاندى.
قاسىم- جومارت توقايەۆ بانكپەن اراداعى ىنتىماقتاستىققا جوعارى باعا بەرىپ، 2015 -جىلى ەلىمىز قىتايدىڭ وسى بانكتى قۇرۋ جونىندەگى باستاماسىن العاشقىلاردىڭ ءبىرى بولىپ قولداعانىن ايتتى. وسى ۋاقىت ارالىعىندا ا ي ي ب قازاقستاندا جاسىل ەنەرگەتيكا سالاسىنا جانە پاندەميا سالدارىمەن كۇرەسكە قاتىستى جوبالاردى جۇزەگە اسىرۋعا اتسالىستى.
كەزدەسۋدە قازاقستانداعى ءىرى ينفراقۇرىلىمدىق جوبالاردى قارجىلاندىرۋ مۇمكىندىكتەرى قاراستىرىلدى.
Huawei Technologies كومپانياسىنىڭ باسقارما ءتوراعاسى ليان حۋامەن كەزدەسۋ بارىسىندا پرەزيدەنتكە تەلەكوممۋنيكاتسيا سالاسىنداعى الەمدىك كوشباسشىلاردىڭ ءبىرىنىڭ قازاقستانمەن ىنتىماقتاستىقتى دامىتۋعا قاتىستى الداعى جوسپارى تانىستىرىلدى. سونداي- اق قاسىم- جومارت توقايەۆقا «Huawei» مەن «قازاقستان تەمىر جولى» ۇلتتىق كومپانياسىنىڭ تەمىرجول جەلىسىن سيفرلاندىرۋ جانە جاڭا تەحنولوگيالاردى پايدالانۋ جونىندەگى بىرلەسكەن جوبانى ىسكە اسىرۋ جوسپارى تۋرالى مالىمەت بەرىلدى.
ليان حۋا «Huawei» كومپانياسى كەڭ جولاقتى قولجەتىمدى ينتەرنەتتى دامىتۋعا جانە قازاقستاننىڭ وڭىرلىك سيفرلىق ح ا ب رەتىندە قالىپتاسۋىنا قاتىستى زەرتتەۋلەردى قارجىلاندىرعانىن ايتتى.
مەملەكەت باسشىسى «Huawei» اقپاراتتىق- كوممۋنيكاتسيالىق تەحنولوگيالار اكادەمياسىنىڭ بازاسىندا IT- تەحنولوگيا سالاسى بويىنشا بىلىكتى قازاقستاندىق مامانداردى دايارلاۋ جونىندەگى جوبانى جۇزەگە اسىرۋدى قۇپتادى.
Sun Seven Stars Investment Group كومپانياسىنىڭ باسقارما ءتوراعاسى ۋ چجەنمەن كەزدەسۋ بارىسىندا قارجى، سيفرلاندىرۋ جانە ونلاين- ساۋدا سالالارىنداعى ينۆەستيتسيالىق ىنتىماقتاستىق، سونداي- اق «استانا» حالىقارالىق قارجى ورتالىعىمەن ءوزارا ءىس- ارەكەت ماسەلەلەرى تالقىلاندى.
Sun Seven Stars Investment Group ينۆەستيتسيالىق توبى - قىتايداعى ەڭ ءىرى جەكە مەديا جانە ينۆەستيتسيالىق كونگلومەراتتاردىڭ ءبىرى.
