تالدىقورعاننىڭ اكىمى اسەت ماسابايەۆ اۋىرىپ، جانساقتاۋ بولىمىنە ءتۇستى

تالدىقورعان. قازاقپارات - تالدىقورعان قالاسىنىڭ اكىمى اسەت ماسابايەۆ اۋرۋحاناداعى جانساقتاۋ بولىمىنەن جالپى پالاتاعا اۋىستىرىلدى، دەپ حابارلايدى قازاقپارات ءتىلشىسى.

شاھار باسشىسى جوعارى قان قىسىمىمەن اۋرۋحاناعا تۇسكەن.

«بىرنەشە كۇن بۇرىن اۋرۋحاناعا ءتۇستى. جۇمىس ۋاقىتىندا قان قىسىمى كوتەرىلىپ، جەدەل جاردەم كولىگى كەلىپ، جۇمىستان الىپ كەتتى. جانساقتاۋ بولىمىنەن جالپى پالاتاعا اۋىستىرىلدى. قازىر جاعدايى ءبىرقالىپتى»، - دەيدى تالدىقورعان قالاسى اكىمىنىڭ باسپا ءسوز قىزمەتىنىڭ حاتشىسى مادي شاكەنوۆ.

26- ءساۋىر كۇنى 38 جاسقا تولعان شاھار باسشىسى اسەت ماسابايەۆ قالا تۇرعىندارىن جەكە ماسەلەلەرى بويىنشا قابىلداپ، شەشۋگە بارىنشا اتسالىسىپ جۇرەدى.

ەستەرىڭىزگە سالا كەتەيىك، اسەت ماسابايەۆ 2022-جىلدىڭ 4- ناۋرىزىندا تالدىقورعان قالاسىنىڭ اكىمى بولىپ تاعايىندالعان ەدى.