22:12, 18 - مامىر 2023 | GMT +5
الماتى وبلىسىندا جازاسىن وتەپ جاتقان ايەل تۇرمەدەن قاشىپ كەتكەن
قونايەۆ. قازاقپارات - الماتى وبلىسى جاۋعاشتى اۋىلىنداعى تۇرمەدەن قاشىپ كەتكەن جازاسىن وتەۋشى ۇستالدى، دەپ حابارلايدى قازاقپارات ءتىلشىسى.
«الماتى وبلىسىندا 10№ مەكەمەدە جازاسىن وتەپ جۇرگەن گ. ەسىمدى ايەل 12- مامىردا قاشىپ شىققان. جەدەل ىزدەستىرۋ ءىس-شارالارى بارىسىندا سوتتالۋشى مەكەمە اۋماعىنان ۇستالدى. بۇل وقيعا اقپاراتتى ەسەپكە الۋ كىتابىنا تىركەلىپ، الماتى وبلىسى ىلە اۋدانىنىڭ پوليتسيا ءبولىمىنىڭ جەدەل تەرگەۋ توبى شاقىرتىلدى»، - دەپ حابارلايدى وبلىستىق قىلمىستىق اتقارۋ جۇيەسى دەپارتامەنتىنىڭ باسپا ءسوز قىزمەتى.
بولعان وقيعانىڭ تولىق ءمان-جايىن انىقتاۋ ءۇشىن قىلمىستىق اتقارۋ جۇيەسى دەپارتامەنتى قىزمەتتىك تەرگەۋ جۇرگىزىپ جاتىر.
«كىنالى لاۋازىمدى تۇلعالار قولدانىستاعى زاڭناماعا ساي جاۋاپكەرشىلىككە تارتىلادى. ق ر قىلمىستىق- پروتسەسسۋالدىق كودەكسىنىڭ 201-بابىنا سايكەس وزگە اقپارات جاريا ەتۋگە جاتپايدى»، - دەلىنگەن ۆەدومستۆو مالىمەتىندە.
