پرەزيدەنتكە قازاقستاندا مىس بالقىتۋ زاۋىتىن سالۋ جوباسى تۋرالى مالىمەت بەرىلدى

شيان. قازاقپارات - مەملەكەت باسشىسى China Nonferrous Metal Mining كومپانياسىنىڭ باس ديرەكتورى جاڭ جينتسزيۋندى قابىلدادى، دەپ حابارلايدى قازاقپارات اقورداعا سىلتەمە جاساپ.

اڭگىمەلەسۋ بارىسىندا تاۋ- كەن مەتاللۋرگياسى جانە شيكىزاتتى تەرەڭ وڭدەۋ سالالارىنداعى جوبالاردى جۇزەگە اسىرۋ ماسەلەلەرى قاراستىرىلدى.

قاسىم- جومارت توقايەۆقا قىتايلىق كومپانيانىڭ KAZ Minerals كاسىپورنىمەن بىرلەسىپ، قازاقستاندا مىس بالقىتۋ زاۋىتىن سالۋ جونىندەگى جوبانى جۇزەگە اسىرۋ جوسپارى تۋرالى مالىمەت بەرىلدى.

مەملەكەت باسشىسى وسىنداي ءىرى جوبالاردى ىسكە اسىرۋ - ەلدەرىمىز اراسىنداعى تابىستى سەرىكتەستىكتىڭ ناتيجەسى ەكەنىن اتاپ ءوتتى.