الماتىدا توزىعى جەتكەن ۇيلەر وتە كوپ - ەربولات دوسايەۆ

الماتى. قازاقپارات- الماتى اكىمى ەربولات دوسايەۆ قالاداعى اپاتتى جاعدايداعى ۇيلەردى بۇزۋدىڭ جاڭارعان باعدارلاماسىن ازىرلەۋ اياقتالىپ قالعانىن ايتتى، دەپ حابارلايدى قازاقپارات ءتىلشىسى.

ماسانشى كوشەسىندەگى توزىعى جەتكەن 23ا ءۇي تۇرعىندارى اكىمنەن ولاردى باسقا جاققا كوشىرۋدى سۇرادى.

ايتۋلارىنشا، 23ا مەكەنجايداعى ءۇي 1938 -جىلى سالىنعان، قازىرگى جاعدايى وتە ناشار.

«قازىر ءبىز جاڭارعان رەنوۆاتسيالاۋ باعدارلاماسىن دايىنداۋدىڭ سوڭعى ساتىسىندامىز. باعدارلاما ىشىندە ءبىز قالانىڭ قانداي مۇمكىندىكتەرى بولاتىنىن قاراستىرامىز. وكىنىشكە وراي، قالادا بۇزۋدى نەمەسە جوندەۋدى قاجەت ەتەتىن توزىعى جەتكەن تۇرعىن ءۇي قورى وتە ۇلكەن. قالا بالانسىندا مۇنداي اقشا جوق. ينۆەستوردى تابۋ مۇمكىن بولماي جاتىر. كوپقاباتتى اۆتوتۇراق سالۋ تۋرالى ۇسىنىسى بار نۇسقاعا مەن رۇقسات بەرمەيمىن»، - دەدى قالا اكىمى اتالعان ءۇيدىڭ تۇرعىنىنا بەرگەن جاۋابىندا.

ەربولات دوسايەۆ اتالعان مەكەنجايداعى ءۇي ەسكىرگەن باسپانالار تىزىمىنە ەنگىزىلگەنىن جەتكىزدى.

«المالى اۋدانىندا 131-شى ءۇي ەسكىرگەن بولىپ سانالادى. سىزدىكى دە تىزىمگە ەنگىزىلگەن. ءبىز بىلايشا كەلىسەيىك، قالانىڭ مۇمكىندىگىنە قاراي نە ىستەۋ كەرەكتىگىن كورەمىز. ەگەر ءبىز بيۋدجەت قاراجاتى ەسەبىنەن ساتىپ الىپ، ءسىزدى كوشىرە الساق، مەن مۇنى ىستەيمىن»، - دەدى اكىم قالا تۇرعىنىنا.

بۇعان دەيىن، الماتى اكىمى مەگاپوليستەگى توزىعى جەتكەن ۇيلەر بيۋدجەت ەسەبىنەن سۇرىلەتىنىن ايتقان ەدى.

2022 -جىلى الماتىدا 278 پاتەرلىك 32 اپاتتى ءۇي بۇزىلاتىنى تۋرالى جازعان بولاتىنبىز.