پرەزيدەنت قىتايدىڭ ءىرى ەنەرگەتيكالىق كومپانياسىنىڭ باسقارما ءتوراعاسى شيان جيميڭدى قابىلدادى
كەزدەسۋ بارىسىندا جاڭارتىلاتىن ەنەرگيا كوزدەرى سالاسىنداعى جوبالاردى ىسكە اسىرۋ ماسەلەلەرى تالقىلاندى.
قىتايدىڭ ءىرى ەنەرگەتيكالىق كومپانيالارىنىڭ قاتارىنا كىرەتىن State Power Investment Corporation قازاقستاننىڭ جاسىل ەنەرگەتيكا سالاسىنداعى جوبالارىنا بەلسەندى تۇردە ينۆەستيتسيا قۇيادى.
قاسىم- جومارت توقايەۆ كومپانيانىڭ جامبىل وبلىسىندا قۋاتى 1 گۆت بولاتىن اۋقىمدى جەل ەلەكتر ستانسياسىن سالۋ جونىندەگى باستاماسىن قولدادى. پرەزيدەنتكە State Power Investment Corporation كومپانياسىنىڭ قازاقستاندا جەل ەلەكتر ستانسيالارىنا ارنالعان قۇرال- جابدىق ءوندىرىسىن ىسكە قوسۋ نيەتى تۋرالى مالىمەت بەرىلدى.
ءوز كەزەگىندە شيان جيميڭ الەۋمەتتىك جاۋاپكەرشىلىك اياسىندا ونىڭ كومپانياسى قازاقستاننىڭ وڭتۇستىگىندە قۋاتى 200 گكاللعا دەيىن جەتەتىن جىلۋ ستانسياسىن سالۋدى جوسپارلاپ وتىرعانىن جەتكىزدى.
سونىمەن قاتار، كەزدەسۋدە State Power Investment Corporation كومپانياسىنىڭ تەحنولوگيالىق جانە عىلىمي- زەرتتەۋ تاجىريبەسى مول ەكەنى ەسكەرىلىپ، «جاسىل» سۋتەگى ءوندىرىسى سالاسىنداعى ىنتىماقتاستىق پەرسپەكتيۆالارى قاراستىرىلدى.
