تىزىمدە قازاقستان جوق. تۋريستەر ءۇشىن ەڭ قاۋىپتى جانە قاۋىپسىز ەلدەر ءتىزىمى جاريالاندى
رەيتينگتى جاساۋ كەزىندە قىلمىس دەڭگەيى، ۋلانۋدان جانە انتيسانيتاريالىق جاعدايدان بولاتىن ءولىم-ءجىتىم، اپاتتاردىڭ جيىلىگى مەن تابيعي اپات قاۋپى ەسكەرىلگەن، - دەپ حابارلايدى Tengritravel.kz ءتىلشىسى.
نەگە ەكەنى بەلگىسىز، ءبىراق بۇل تىزىمگە قازاقستان كىرمەگەن، الايدا وڭتۇستىكتەگى كورشىلەرىمىز وزبەكستان مەن قىرعىزستان 16 جانە 17-ورىنداردى ءوزارا بولىسكەن.
انتيرەيتينگ تىزىمىندەگى 10 ەل مىناداي:
وڭتۇستىك افريكا رەسپۋبليكاسى،
ءۇندىستان،
دومينيكان رەسپۋبليكاسى،
مەكسيكا،
برازيليا،
كامبودجا،
فيليپپين،
ساۋد ارابياسى،
ۆەتنام،
يندونەزيا.
Travel Rambler مالىمەتىنشە وڭتۇستىك افريكا رەسپۋبليكاسى وڭتۇستىك افريكا ەلدەرى اراسىندا كىسى ءولتىرۋ دەڭگەيى ەڭ جوعارى (100000 حالىققا شاققاندا 36,40)، ال ەل جول- كولىك وقيعاسىنان قايتىس بولۋ بويىنشا التىنشى ورىندا.
ءۇندىستان انتيسانيتاريالىق جاعدايعا بايلانىستى، ال دومينيكان رەسپۋبليكاسى - جول قوزعالىسى ەرەجەلەرىن ساقتاماۋ، جىلدامدىقتى اسىرۋ جانە الكوگولدىك ماس بولۋ سالدارىنان ءجيى بولاتىن جازاتايىم وقيعالارعا بايلانىستى قاۋىپتى سانالادى.
پورتال قاۋىپسىز دەپ دانيا، سينگاپۋر، نيدەرلاندى، يزرايل جانە شۆەيتساريانى اتاعان.
