قاسىم- جومارت توقايەۆ قىتايدىڭ ينتەرنەت ساۋدا الپاۋىتتارىنا تاۋارىن قازاقستان قويمالارىندا ساقتاۋدى ۇسىندى
پرەزيدەنت ەلەكتروندى ساۋدا سالاسىندا ءوزارا الىس- بەرىستى ارتتىرۋ ءۇشىن قوسىمشا مۇمكىندىكتەر بار ەكەنىنە نازار اۋداردى.
«ونلاين ساۋدانى دامىتۋ اسا ماڭىزدى. بۇعان جاپپاي شەكتەۋلەر كەزىندە كوزىمىز انىق جەتتى. قىتايدىڭ «Alibaba Group» ،«JD.COM» سياقتى ينتەرنەت الپاۋىتتارىنىڭ وسى سالاداعى تاجىريبەسى مەن الەۋەتى وراسان زور. ورتالىق ازيا ەلدەرىنىڭ نارىقتاعى باسەكەدە ءوز ارتىقشىلىقتارى بار. وسى ورايدا، قازاقستان قىتايدىڭ ءىرى ەلەكتروندى ساۋدا الاڭدارىن كەڭىنەن پايدالانۋدى ۇسىنادى. بۇل قادام ونىمدەرىمىزدى نارىققا بىرلەسە شىعارۋ ءۇشىن اسا ماڭىزدى. JD. COM پلاتفورماسىندا قازاقستاننىڭ ۇلتتىق پاۆيلونى اشىلادى. بولاشاقتا ءوزارا ساۋدا- ساتتىعىمىز ارتا تۇسەتىنى انىق. ءبىز وسىنى ەسكەرە وتىرىپ، جاڭا كەدەن قويمالارىن اشۋعا بەلسەنە كىرىستىك. وسى ورايدا سەرىكتەستەرىمىزگە تاۋارىن ءبىزدىڭ قويمالارىمىزدا ساقتاۋدى ۇسىنامىز. مۇنىڭ لوگيستيكا تۇرعىسىنان العاندا وتە قولايلى ەكەنىن ايتا كەتكەن ءجون. سوندا ورتالىق ازيا مەن قىتايدىڭ اراسىندا ەكى باعىتتا دا تاۋار تاسىمالداۋ مەرزىمىن ازايتۋعا مۇمكىندىك تۋادى»، - دەدى مەملەكەت باسشىسى.
بۇعان دەيىن مەملەكەت باسشىسىنىڭ قازاق- قىتاي ينۆەستيتسيالىق دوڭگەلەك ۇستەلىنە قاتىسقانىن جازعان بولاتىنبىز.
پرەزيدەنتتىڭ ق ح ر- عا ساپارى اياسىندا قۇنى 22 ميلليارد دوللار بولاتىن 47 قۇجاتقا قول قويىلدى.
