حالىقارالىق ىزدەۋگە جاريالانعان الماتى وبلىسىنىڭ تۇرعىنى قىرعىزستاندا ۇستالدى
وتكەن جىلعى 2-قاراشادا الماتى وبلىسىنىڭ پوليتسيا دەپارتامەنتى كريمينالدىق پوليتسيا باسقارماسىنىڭ قىزمەتكەرلەرى 10 نان استام ۇرلىق جاساعانى ءۇشىن وبلىستىڭ 32 جاستاعى تۇرعىنىن حالىقارالىق ىزدەۋگە جاريالاعان بولاتىن.
بيىلعى 2-مامىردا بىشكەك قالاسىنىڭ اۋماعىندا جەدەل-ىزدەستىرۋ ءىس-شارالارى وتكىزىلگەن. ونىڭ بارىسىندا قىرعىزستان رەسپۋبليكاسىنىڭ پوليتسيا قىزمەتكەرلەرى اتالعان ەلدىڭ مەملەكەتتىك ۇلتتىق قاۋىپسىزدىك كوميتەتىمەن بىرلەسىپ، كۇدىكتىنى ۇستادى.
«قازاقستان ازاماتىنا قاتىستى بىلتىر قىركۇيەك ايىندا ق ر قىلمىستىق كودەكسىنىڭ 188-بابى 4-بولىگىمەن («ۇرلىق») قىلمىستىق ءىس قوزعالعانىن ەسكە سالامىز.
قازىر كۇدىكتى زاڭدا بەلگىلەنگەن تارتىپپەن قاماۋعا الىندى. ەكستراديتسيا ماسەلەسى شەشىلىپ جاتىر. ونىڭ باسقا دا وسىنداي قىلمىستارعا قاتىسى بار-جوعىن انىقتاۋ بويىنشا تەرگەۋ ارەكەتتەرى جۇرگىزىلىپ جاتىر.
ق ر قىلمىستىق-پروتسەسسۋالدىق كودەكسىنىڭ 201-بابىنا سايكەس وزگە اقپارات جاريا ەتۋگە جاتپايدى»، - دەلىنگەن پوليتسيا مالىمەتىندە.
