قازاقستاندىقتاردىڭ قوناقجايلىعىنا رازى بولدىم - توقايەۆتان سۇحبات العان قىتايلىق جۋرناليست
«ماعان استانا قالاسى وتە ۇنادى. قازاقستاندىقتاردىڭ قوناقجايلىعى مەن دوستىق پەيىلىنە رازى بولدىم. بۇل - ءارتۇرلى ۇلت وكىلدەرى تۇراتىن كوپۇلتتى ەل. بۇل - وتە اسەرلى»، - دەپ اتاپ ءوتتى ۆان گۋان.
«بىرنەشە الەمدىك كوشباسشىلاردان سۇحبات الۋ مەن ءۇشىن ۇلكەن مارتەبە بولدى، ءبىراق پرەزيدەنت قاسىم-جومارت توقايەۆ مەنى قايران قالدىردى. ول باسقا كوشباسشىلاردان وتە ەرەكشەلەنەدى - ول ءتارتىپتىڭ ادامى. سۇحبات الدىندا پرەزيدەنت قاسىم-جومارت توقايەۆ تۋرالى كوپتەگەن ماقالالار مەن كىتاپتاردى اعىلشىن، قىتاي جانە ورىس تىلدەرىندە وقىپ شىقتىم»، - دەدى CCTV جۋرناليسى.
ەسكە سالا كەتسەك، 12-مامىردا پرەزيدەنت قاسىم-جومارت توقايەۆتىڭ قىتايدىڭ CCTV تەلەارناسىنا سۇحبات بەرگەن ەدى.
مەملەكەت باسشىسى بۇگىن قىتايعا مەملەكەتتىك ساپارمەن باردى. پرەزيدەنت قاسىم-جومارت توقايەۆتى ق ح ر ءتوراعاسى شي جينپيڭ قارسى الدى.
