شەت مەملەكەتتەر باسشىلارى توقايەۆتى تۋعان كۇنىمەن قۇتتىقتاپ، حات جولداۋدا

استانا. قازاقپارات - پرەزيدەنت قاسىم-جومارت توقايەۆتىڭ 70 جىلدىق مەرەيتويىنا وراي شەت مەملەكەتتەر مەن ۇكىمەتتەردىڭ باسشىلارىنان، پارلامەنتتەردىڭ سپيكەرلەرىنەن، حالىقارالىق ۇيىمدار مەن ديپلوماتيالىق ميسسيالاردىڭ، كوممەرتسيالىق قۇرىلىمداردىڭ جەتەكشىلەرىنەن، شىعارماشىلىق جانە عىلىمي ورتا وكىلدەرىنەن قۇتتىقتاۋلار مەن جەدەلحاتتار كەلىپ ءتۇسىپ جاتىر.

قازاقپارات بۇل تۋرالى اقورداعا سىلتەمە جاساپ حابارلايدى.

مەملەكەت باسشىسىنىڭ اتىنا رەسەي پرەزيدەنتى ۆلاديمير پۋتين، ق ح ر ءتوراعاسى شي جينپيڭ، تۇركيا پرەزيدەنتى رەجەپ تايپ ەردوعان، وزبەكستان پرەزيدەنتى شاۆكات ميرزيەيەۆ، قىرعىزستان پرەزيدەنتى سادىر جاپاروۆ، تاجىكستان پرەزيدەنتى ەمومالي راحمون، تۇرىكمەنستان پرەزيدەنتى سەردار بەردىمۇحامەدوۆ، ازەربايجان پرەزيدەنتى يلحام اليەۆ، بەلارۋس پرەزيدەنتى الەكساندر لۋكاشەنكو، ارمەنيا پرەمەر-ءمينيسترى نيكول پاشينيان، يتاليا پرەزيدەنتى سەردجو ماتتارەللا، سەربيا پرەزيدەنتى الەكساندر ۆۋچيچ، ماجارستان پرەزيدەنتى كاتالين نوۆاك، ماجارستان پرەمەر-ءمينيسترى ۆيكتور وربان، بولگاريا پرەزيدەنتى رۋمەن راديەۆ، البانيا پرەزيدەنتى بايرام بەگاي، سينگاپۋر پرەزيدەنتى حاليما ياكوب، ش ى ۇ باس حاتشىسى چجان مين، ت م ب باس حاتشىسى سەرگەي لەبەديەۆ جانە باسقالار قۇتتىقتاۋ جەدەلحاتتارىن جولدادى.

سونىمەن قاتار ەلىمىزدىڭ ازاماتتارى، قازاقستاننىڭ كورنەكتى ساياسي جانە قوعام قايراتكەرلەرى، زيالى قاۋىم وكىلدەرى جانە باسقا دا تۇلعالار وزدەرىنىڭ جەدەلحاتتارىندا پرەزيدەنت قاسىم-جومارت توقايەۆتى مەرەيتويىمەن قۇتتىقتاپ، ىزگى تىلەكتەرىن بىلدىرگەن.

قۇتتىقتاۋ حاتتار مەن جەدەلحاتتار ءالى دە كەلىپ ءتۇسىپ جاتىر.

ەسكە سالايىق، بۇگىن قاسىم-جومارت توقايەۆ 70 جاسقا تولدى.