20:44, 17 - مامىر 2023 | GMT +5
قازاقستان وڭىرلەرى مەن قىتاي قالالارى باۋىرلاستىق تۋرالى كەلىسىم جاساستى
شيان. قازاقپارات - قازاقستاننىڭ ءۇش ءوڭىرى قىتاي قالالارىمەن ءوزارا كەلىسىمدەرگە قول قويدى، دەپ حابارلايدى قازاقپارات.
اتاپ ايتقاندا، شىعىس قازاقستان وبلىسىنىڭ اكىمدىگى مەن تيانجين قالاسىنىڭ حالىق ۇكىمەتى قازاقستاندا «لۋ بان شەبەرحاناسىن» قۇرۋ تۋرالى كەلىسىم جاساستى.
ال شىمكەنت قالاسى مەن سيان قالاسى باۋىرلاستىق بايلانىس ورناتۋ جونىندە ۋاعدالاستى.
باۋىرلاستىق بايلانىستار/قاتىناستار ورناتۋ تۋرالى كەلىسىمگە سونداي- اق سولتۇستىك قازاقستان وبلىسى مەن شەنسي پروۆينتسياسى دا قول قويدى.
بۇگىن پرەزيدەنت قاسىم-جومارت توقايەۆتىڭ قىتايعا مەملەكەتتىك ساپارى اياسىندا 23 قۇجاتقا قول قويىلعان بولاتىن.
مەملەكەت باسشىسى ق ح ر- عا مەملەكەتتىك ساپارمەن بۇگىن باردى.
قول قويىلعان قۇجاتتار اراسىندا ءوزارا ۆيزاسىز رەجيم تۋرالى كەلىسىم، ەكى ەل ۋنيۆەرسيتەتتەرى اراسىنداعى مامىلەلەر بار.
