20:11, 17 - مامىر 2023 | GMT +5
قازاقستان مەن قىتاي ءوزارا ۆيزاسىز رەجيم تۋرالى كەلىسىمگە قول قويدى
شيان. قازاقپارات - قازاقستان رەسپۋبليكاسىنىڭ پرەزيدەنتى قاسىم-جومارت توقايەۆتىڭ قىتاي حالىق رەسپۋبليكاسىنا مەملەكەتتىك ساپارى اياسىندا ءبىرقاتار قۇجاتقا قول قويىلدى، دەپ حابارلايدى قازاقپارات اقورداعا سىلتەمە جاساپ.
ولاردىڭ اراسىندا «قازاقستان رەسپۋبليكاسىنىڭ ۇكىمەتى مەن قىتاي حالىق رەسپۋبليكاسىنىڭ ۇكىمەتى اراسىنداعى ۆيزالىق تالاپتاردان ءوزارا بوساتۋ تۋرالى كەلىسىم» بار.
ەسكە سالايىق، قازاقستان ازاماتتارىنىڭ قىتاي اۋماعىندا، قىتاي ازاماتتارىنىڭ قازاقستان اۋماعىندا 30 كۇننەن اسپايتىن مەرزىمگە ۆيزاسىز جۇرۋىنە مۇمكىندىك بەرەتىن قۇجات قاراستىرىلىپ جاتقانىن بۇعان دەيىن حابارلاعان بولاتىنبىز.
ق ر پارلامەنتى سەناتىنىڭ ءتوراعاسى ماۋلەن اشىمبايەۆ قىتايمەن اراداعى ۆيزاسىز رەجيمگە قاتىستى پىكىر بىلدىرگەن بولاتىن.
