ءبىر بەلدەۋ - ءبىر جول: پرەزيدەنت قوس ەلدىڭ تابىستى ىنتىماقتاستىعىن اتاپ ءوتتى

شيان. قازاقپارات - پرەزيدەنت قاسىم-جومارت توقايەۆ مەملەكەتتىك ساپارى بارىسىندا شي جينپيڭمەن جۇرگىزىلگەن كەلىسسوز كەزىندە قوس ەلدىڭ «ءبىر بەلدەۋ - ءبىر جول» اياسىنداعى تابىستى ىنتىماقتاستىعىن اتاپ ءوتتى، دەپ حابارلايدى قازاقپارات اقورداعا سىلتەمە جاساپ.

«ەكونوميكالىق الەۋەتتىڭ جۇزەگە اسىرىلۋى كوبىنەسە كولىك-ترانزيت سالاسىنا بايلانىستى. بۇل جەردە ءسىزدىڭ اۋقىمى جاعىنان بىرەگەي «ءبىر بەلدەۋ - ءبىر جول» باستاماڭىزدىڭ اياسىنداعى تابىستى ىنتىماقتاستىعىمىزدى ەرەكشە اتاپ وتكىم كەلەدى. وسى جىلدار ارالىعىندا «ءبىر بەلدەۋ - ءبىر جول» جوباسىن بىرلەسىپ جۇزەگە اسىرۋدا ەلەۋلى ناتيجەگە قول جەتكىزىلدى.

ەرتەڭ سيان قالاسىنىڭ قۇرعاق پورتىندا لوگيستيكا ورتالىعى ىرگەتاسىنىڭ ونلاين رەجيمدە قالانۋى ءبىزدىڭ كولىك-لوگيستيكا سالاسىنداعى بايلانىستارىمىزدىڭ تاعى ءبىر بەلەسى بولماق.

كولىك دالىزدەرىن ءارتاراپتاندىرۋ اياسىندا ترانسكاسپيي حالىقارالىق كولىك باعدارىنىڭ (ت ح ك ب) الەۋەتىن بەلسەندى تۇردە پايدالانۋدى ۇسىنامىن»، - دەدى قاسىم-جومارت توقايەۆ.