پرەزيدەنت: قازاقستان مەن قىتايدىڭ نەگىزگى حالىقارالىق ماسەلەلەردەگى ۇستانىمى بىردەي نەمەسە ۇقساس
بۇل تۋرالى پرەزيدەنت قاسىم-جومارت توقايەۆ مەملەكەتتىك ساپارى بارىسىندا شي جينپيڭمەن جۇرگىزىلگەن كەلىسسوز كەزىندە ايتتى، دەپ حابارلايدى قازاقپارات اقورداعا سىلتەمە جاساپ.
«قازاقستان مەن قىتايدىڭ نەگىزگى حالىقارالىق ماسەلەلەر بويىنشا ۇستانىمدارى بىردەي نەمەسە ۇقساس. سونداي-اق، ەكى تاراپ ءبىر-ءبىرىنىڭ حالىقارالىق باستامالارىن دايەكتى تۇردە قولدايدى.
وسى رەتتە ءسىزدىڭ جاھاندىق قاۋىپسىزدىك، جاھاندىق دامۋ جانە جاھاندىق وركەنيەت سالاسىنداعى حالىقارالىق باعدارلامالىق باستامالارىڭىزدى قولدايتىنىمدى ايتقىم كەلەدى.
بۇل باستامالاردىڭ جۇزەگە اسىرىلۋى الەمدەگى تۇراقتىلىققا، قاۋىپسىزدىك پەن سەنىمگە قول جەتكىزۋگە ىقپال ەتەتىنىنە، سونداي-اق ورنىقتى دامۋ ماقساتتارىنا قول جەتكىزۋدى جەدەلدەتەتىنىنە سەنىمدىمىن»، - دەدى پرەزيدەنت.
قاسىم-جومارت توقايەۆ ق ح ر ءتوراعاسى شي جينپيڭنىڭ ءوزارا قارىم-قاتىناستى دامىتۋعا قوسقان ولشەۋسىز ۇلەسىن جوعارى باعالايتىنىن جەتكىزدى. سونداي-اق، ەكى ەلدىڭ ىنتىماقتاستىعىن جاڭا بەلەسكە كوتەرۋ ءۇشىن بار كۇش-جىگەرىن جۇمىلدىرۋعا دايىن ەكەنىن اتاپ ءوتىپ، بۇگىنگى كەلىسسوزدەر ەكىجاقتى ىقپالداستىققا تىڭ سەرپىن بەرەتىنىنە سەنىم ءبىلدىردى.
