قاسىم-جومارت توقايەۆ پەن شي جينپيڭ كەلىسسوز جۇرگىزدى

شيان. قازاقپارات - بۇگىن بەيجىڭدە قازاقستان مەن قىتاي باسشىلارى قاسىم-جومارت توقايەۆ پەن شي جينپيڭ كەلىسسوز جۇرگىزدى.

قازاقپارات بۇل تۋرالى اقورداعا سىلتەمە جاساپ حابارلايدى.

قاسىم-جومارت توقايەۆ، ەڭ الدىمەن، مەملەكەتتىك ساپارمەن كەلۋگە شاقىرىپ، قۇرمەتپەن قارسى العانى ءۇشىن ق ح ر ءتوراعاسى شي جينپيڭگە شىنايى ريزاشىلىعىن ءبىلدىردى. سونداي-اق ونى قىتاي حالىق رەسپۋبليكاسىنىڭ ءتوراعاسى لاۋازىمىنا قايتا سايلانۋىمەن قۇتتىقتادى.

«قازاقستان ءۇشىن قىتاي حالىق رەسپۋبليكاسىنىڭ ورنى - ەرەكشە. ءبىزدىڭ ىنتىماقتاستىعىمىز مىزعىماس دوستىققا جانە ءوزارا قولداۋعا نەگىزدەلگەن. ەكىجاقتى قارىم-قاتىناستى جانداندىرۋ جولىنداعى ماقساتىمىز - ورتاق. ايماقتىق جانە حالىقارالىق قاۋىپسىزدىكتى، ءوزارا ىقپالداستىقتى نىعايتۋدى كوزدەيتىن مۇراتىمىز دا - ءبىر. ءبىز ءۇشىن قىتايمەن ماڭگىلىك ءارى جان-جاقتى ستراتەگيالىق ارىپتەستىكتى ودان ءارى دامىتۋ وتە ماڭىزدى»، - دەدى مەملەكەت باسشىسى.