جەڭىل سالماقتا وليمپياداعا كىم بارادى؟ - باس جاتتىقتىرۋشى جاۋابى

استانا. قازاقپارات - بوكستان قازاقستان ۇلتتىق قۇراماسى تاشكەنتتەگى الەم چەمپيوناتىن ءساتتى وتكىزدى.

كەلەر جىلى قازاق بوكسشىلارىن پاريج وليمپياداسى كۇتىپ تۇر. جەڭىل سالماقتا كىم باراتىنى قازىردىڭ وزىندە جانكۇيەرلەردى قىزىقتىرىپ وتىرعانى بەلگىلى.

بۇعان قۇرامانىڭ باس جاتتىقتىرۋشىسى مىرزاعالي ايتجانوۆ Qazaqstan ۇلتتىق ارناسىنىڭ ەفيرىندە جاۋاپ بەردى.

ول بۇرىن دا، قازىر دە، كەيىن دە جاتتىقتىرۋشىلار موينىنداعى جاۋاپكەرشىلىك. سول سەبەپتى تاڭداۋ، ىرىكتەۋ ءادىل وتەدى. مۇندا ەلدىڭ مۇددەسى تۇر. جەڭىل سالماقتا اركىمنىڭ ءوز سالماعى بار. ءبىر سالماقتان ءبىر سالماققا ءوتىپ، توپ جارۋ ميلليوننان بىرەۋ. بىزدە باسەكەلەستىك بار. سونىڭ ارقاسىندا سانجار الەم چەمپيونى اتانىپ وتىر. ال 51 گە قاشان وتەدى؟ ونى ۋاقىت شەشەدى، ەكىنشى رينگ شەشەدى. وعان ەندى اسىقپاسىن. سالماق قۋۋ دا وڭاي ەمەس. سالماق اۋىستىرىپ يگەرىپ كەتۋ دە وڭاي ەمەس»، - دەدى باس جاتتىقتىرۋشى.

ايتا كەتەيىك، وليمپيادادا 51 كەلى سالماق دارەجەسى بار. تاشكەنتتە بۇل سالماقتا ساكەن بيبوسىنوۆ بارىپ، جۇلدەگە ىلىكپەدى. ەسەسىنە، 48 بەن 54 كەلىدە قازاق بوكسشىلارى سانجار تاشكەنباي مەن ماحمۇد سابىرحان توپ جاردى. بايقاساق سالماق الشاقتىق الىس ەمەس. پاريجدە كىمگە ءۇمىت ارتامىز؟