ايتىسكەر اقىن سەرىكزات دۇيسەنعازىنىڭ اناسى ومىردەن ءوتتى

استانا. قازاقپارات - تانىمال ايتىسكەر اقىن سەرىكزات دۇيسەنعازىنىڭ اناسى ومىردەن ءوتتى، - دەپ حابارلايدى Massaget.kz ءتىلشىسى.

قايعىلى حاباردى اقىننىڭ جاقىندارى الەۋمەتتىك جەلىدە حابارلادى.

«جاقىندا عانا قاپيادا، بەلگىسىز جاعدايدا قازا تاپقان جاس وسكىن ءاليحان سەرىكزات ۇلىنىڭ اجەسى ءساجيدا انا دا «جارىق جالعانعا قوش ايتىپتى» دەگەن جامانات حابار كەلدى. جان دەگەندەگى جالعىز ۇلىنان، اياۋلى اناسىنان ايرىلۋدىڭ قانداي ەكەنى ايتپاسا دا تۇسىنىكتى. Serikzat دوسىم، قايعىنى قارا نار عانا كوتەرەدى دەۋشى ەدى. سەن دە ناردىڭ جۇگىن كوتەرىپ جۇرگەن ازاماتسىڭ عوي. بەكەم بول! قايعىڭا ورتاقپىن!»، - دەپ جازدى نۇرتاي لاحان.

ايتا كەتەيىك، بيىل 2- قاڭتاردا سەرىكزات دۇيسەنعازى ۇلىنان ايىرىلىپ قالدى. ايتىسكەر اقىن مارقۇم ۇلى تۋرالى جانتەبىرەنتەرلىك جازبا جاريالادى.

سونداي-اق كەيىنىرەك سەرىكزات دۇيسەنعازىنىڭ ۇلى مەرت بولعان كۋرورتتا تاعى ەكى قىز جاراقات العانى بەلگىلى بولدى.