قاسىم-جومارت توقايەۆتى قىتاي ءتوراعاسى شي جينپيڭ قارسى الدى
قازاقپارات بۇل تۋرالى اقورداعا سىلتەمە جاساپ حابارلايدى.
ەسكە سالايىق، بۇگىن ق ر پرەزيدەنتى ق. توقايەۆ قىتايعا مەملەكەتتىك ساپارمەن باردى.
ساپار اياسىندا مەملەكەت باسشىسى ق ح ر ءتوراعاسى شي جينپيڭمەن كەلىسسوز جۇرگىزەدى دەپ جوسپارلانعان. ونىڭ بارىسىندا ەكى ەل اراسىنداعى ستراتەگيالىق سەرىكتەستىكتى ودان ءارى نىعايتۋ، ساۋدا جانە ەكونوميكا، ينۆەستيتسيا، كولىك-لوگيستيكا، ەنەرگەتيكا سالالارىنداعى ىنتىماقتاستىقتى كەڭەيتۋ، سونداي-اق مادەني-گۋمانيتارلىق بايلانىستاردى تەرەڭدەتۋ ماسەلەلەرى قاراستىرىلادى.
پرەزيدەنت 18- مامىردا قىتايدىڭ ءىرى كومپانيالارىنىڭ باسشىلارىمەن كەزدەسەدى جانە مەملەكەتتىك ساپار اياسىندا ءبىرقاتار شارا وتكىزەدى، سونداي-اق شيان قالاسىنداعى قۇرعاق پورتتا قازاقستاننىڭ لوگيستيكا ورتالىعىنىڭ ىرگەتاسىن قالاۋ راسىمىنە قاتىسادى.
مەملەكەت باسشىسى 19- مامىردا «ورتالىق ازيا - قىتاي» سامميتىنە قاتىسادى. سونىمەن قاتار پرەزيدەنت ەلىمىزدىڭ شيان قالاسىنداعى باس كونسۋلدىعىنىڭ سالتاناتتى تۇردە اشىلۋ راسىمىنە قاتىسادى دەپ جوسپارلانىپ وتىر.
