تۇرىكمەنستاننان كەلەتىن قانداستاردى سولتۇسىك وبلىستارعا جىبەرۋگە تىرىسامىز - ابزال ساپاربەك ۇلى
بۇل تۋرالى «وتانداستار قورى» ك ە ا ق پرەزيدەنتى ابزال ساپاربەك ۇلى ايتىپ بەردى، دەپ حابارلايدى قازاقپارات ءتىلشىسى.
«وزدەرىڭىز بىلەسىزدەر، سولتۇستىك وڭىرگە قازاقتاردى كوشىرۋ ماسەلەسى بويىنشا «وتانداستار قورى» جانە سىرتقى ىستەر مينيسترلىگى قازىر «ءبىر تەرەزە» قاعيداتىمەن جۇمىس ىستەيدى. وسى رەتتە تۇرىكمەنستاننان كوشەتىن قازاقتارعا بايلانىستى ءبىرقاتار جۇمىس اتقارىلىپ جاتىر. مۇندا ءبىرقاتار تۇيتكىلدى ماسەلە بار، ونىڭ ىشىندە تۇرىكمەنستاننان كوشەتىن قانداستارىمىزدى سولتۇستىك وبلىستارعا تۇراقتاندىرۋ ماسەلەسى. كوپشىلىگى باتىس قازاقستان اۋماعىندا قالعىسى كەلەدى، سولتۇسككە كوشكىسى كەلمەيدى. مۇنداعى نەگىزگى مىندەت جەرگىلىكتى اتقارۋشى ورگانداردىڭ ۇلەسىندە. ەڭبەك مينيسترلىگى، ىشكى ىستەر مينيسترلىگى ولاردى قۇجاتتاندىرۋ ماسەلەسىمەن اينالىساتىن بولسا، ولارعا ناقتى ماتەريالدىق كومەك، جۇمىسپەن، باسپانامەن قامتۋ - جەرگىلىكتى اتقارۋشى ورگانداردىڭ قۇزىرەتىنە جاتادى»، - دەدى ابزال ساپاربەك ۇلى «وتانداستار قورىندا» تىلشىلەرگە بەرگەن سۇحباتىندا.
قور باسشىسىنىڭ ايتۋىنشا، قازىرگى ۋاقىتتا تۇرىكمەنستانداعى مىڭعا جۋىق قازاق «قانداس» مارتەبەسىن الۋعا ءوتىنىم بەرگەن.
«بۇگىنگى تاڭدا «قانداس» مارتەبەسىن شەتەلدە ءجۇرىپ تە الۋعا بولادى. وسى تۇرىكمەنستاننان باسقا، موڭعوليادان 185 وتباسىن كوشىرۋ جوسپارلانىپ وتىر. جىل باسىنان بەرى ول جاقتان 15 وتباسى كوشىپ كەلدى. ولاردىڭ دا باسىم كوپشىلىگىن سولتۇستىك وڭىرلەرگە قونىستاندىرۋ جوسپارلانىپ وتىر»، - دەدى ابزال ساپاربەك ۇلى.
بۇعان دەيىن سپيكەر ەۋروپادا، ا ق ش، رەسەي، قىتايدا قازاقتاردىڭ قۇرىلتايى وتەتىنىن ايتقان ەدى.
