قازاقستان ەلشىسى ريم پاپاسى فرانسيسككە سەنىم گراموتاسىن تابىس ەتتى
قازاقپارات بۇل تۋرالى ق ر سىرتقى ىستەر مينيسترلىگىنە سىلتەمە جاساپ حابارلايدى.
«ەلشى قازاقستان پرەزيدەنتى قاسىم- جومارت توقايەۆتىڭ جىلى لەبىزدەرى مەن ىزگى تىلەكتەرىن جەتكىزىپ، ەلىمىزدىڭ قاسيەتتى تاقپەن ىنتىماقتاستىقتى نىعايتۋعا دايىن ەكەندىگىن ءبىلدىردى. سونىمەن قاتار ەلشى قازاقستان مەن ۆاتيكان اراسىنداعى ديپلوماتيالىق قاتىناستىڭ ورناعانىنا 30 جىلدىعى قارساڭىندا ريم پاپاسىنىڭ الەمدىك جانە ءداستۇرلى دىندەر ليدەرلەرىنىڭ VII سەزىنە قاتىسۋىنىڭ تاريحي ماڭىزدىلىعىن جانە 2023 -جىلعى قىركۇيەكتە استانادا پونتيفيكتىڭ ءدىني مەسسانى وتكىزۋىنىڭ اۋقىمدىلىعىن اتاپ ءوتتى»، - دەلىنگەن مالىمەتتە.
ءوز كەزەگىندە ريم پاپاسى فرانسيسك ءوزىنىڭ قازاقستانعا ساپارىن جانە بەيبىتشىلىك پەن ديالوگ ساياساتىن ىلگەرىلەتۋ جونىندەگى حالىقارالىق باستامانى ۇيىمداستىرعانى ءۇشىن ريزاشىلىعىن بىلدىرگەن. پونتيفيكتىڭ ايتۋىنشا، قاسيەتتى تاق ءوزىنىڭ ميسسياسىنا سايكەس ءار ادامنىڭ قول سۇعىلمايتىن قادىر- قاسيەتىن قورعاۋعا، ورتاق يگىلىككە ىقپال ەتۋگە جانە بارلىق حالىقتار اراسىنداعى ادامي باۋىرلاستىقتى نىعايتۋعا تىرىسادى.
سونىمەن قاتار ۆاتيكانعا ساپار بارىسىندا ق. سارجانوۆ قاسيەتتى تاقتىڭ جوعارعى باسشىلىعى - ۆاتيكان مەملەكەتتىك حاتشىسىنىڭ ورىنباسارى ارحيەپيسكوپ ەدگار پاررامەن، مەملەكەتتەرمەن بايلانىس جونىندەگى حاتشى ارحيەپيسكوپ پول گاللاحەرمەن جانە ءدىنارالىق ديالوگ بويىنشا ديكاستەريا پرەفەكتىسى - مۇسىلماندارمەن ءدىني بايلانىستار جونىندەگى كوميسسيانىڭ پرەفەكتىسى كاردينال ميگەل انيسو گيكسوتپەن جەكە كەزدەسۋلەردى وتكىزگەن.
ولاردىڭ بارىسىندا ەكىجاقتى ءوزارا ءىس- قيمىلدىڭ وزەكتى ماسەلەلەرى، ونىڭ ىشىندە مەديتسينا، عىلىم جانە زەرتتەۋلەر سالاسى، سونداي- اق ادام قۇقىقتارى، يادرولىق قارۋسىزدانۋ جانە كليماتتىڭ وزگەرۋى ماسەلەلەرى تالقىلاندى.
