ورالدا ايەلدى توناپ جاتقان ەر ادام ۆيدەوعا ءتۇسىپ قالدى

ورال. قازاقپارات - ورالدا ايەلدى توناعان ەر ادام بەينەباقىلاۋعا ءتۇسىپ قالدى، دەپ حابارلايدى قازاقپارات ءتىلشىسى.

ب ق و پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتكەنىندەي، وقيعا 16-مامىر كۇنى بولدى.

تاڭعى مەزگىلدە «ومەگا» زاۋىتى اۋدانىنداعى اۆتوجول كوپىرىنىڭ استىنان قاننەن-قاپەرسىز ءوتىپ بارا جاتقان 30 جاستاعى ايەلگە كۇتپەگەن جەردەن ەر ادام شابۋىل جاساعان.

ايەل قاشىپ كەتۋگە تىرىسقانىمەن، قاراقشى ونى مىقتاپ ۇستاپ، جەرگە قۇلاتىپ، التىن سىرعا، ساقينالارىن شەشىپ، تەلەفونىن تارتىپ العان.

كەلگەن زالال كولەمى - 550 مىڭ تەڭگە.

«ايەل ادام پوليتسياعا جۇگىنىپ، جەدەل ىزدەستىرۋ ءىس- شارالارى بىردەن جاريالاندى. تەرگەۋ ارەكەتتەرىن جۇرگىزۋ بارىسىندا ۇسىنىلعان 15 ازاماتتىڭ ىشىنەن جابىرلەنۋشى 1971 -جىلى تۋعان ەر ادامدى كورسەتتى. كۇدىكتى دەرەۋ قۇرىقتالدى. ونىڭ بۇرىن قىلمىستىققا جاۋاپكەرشىلىككە تارتىلعانى انىقتالدى. قازىرگى كەزدە ق ر ق ك 191-بابى 2-بولىگىنە (توناۋ) سايكەس سوتقا دەيىنگى تەرگەۋ امالدارى جۇرگىزىلىپ جاتىر. بۇل باپ بويىنشا ايىپتى دەپ تانىلعان ادام مۇلكى تاركىلەنىپ، ءۇش جىلدان جەتى جىلعا دەيىنگى مەرزىمگە باس بوستاندىعىن شەكتەۋگە نە سول مەرزىمگە باس بوستاندىعىنان ايىرۋعا جازالانادى»، دەپ حابارلادى ۆەدومستۆودان.

ەسكە سالا كەتەيىك، بۇدان بۇرىن ورالدا كاسىپكەردى ولتىرگەن سوتتالۋشىنىڭ ءبىرى اپەللياتسيالىق شاعىم تۇسىرگەنىن جازعان بولاتىنبىز.

سونداي-اق ورالدا پارا الدى دەپ ايىپتالعان پوليتسيا شەنەۋنىگى 5 جىلعا سوتتالدى.