14:36, 17 - مامىر 2023 | GMT +5
شىمكەنتتە جىلان كوبەيىپ كەتتى - ۆيدەو
شىمكەنت. قازاقپارات - شىمكەنتتە جىلان كوبەيىپ كەتتى، دەپ حابارلايدى قازاقپارات ءتىلشىسى.

شىمكەنت قالاسى توتەنشە جاعدايلار دەپارتامەنتىنىڭ جەدەل-قۇتقارۋ جاساعى جىل باسىنان بەرى تۇرعىنداردىڭ ءوتىنىشى بويىنشا 17 رەت جىلان اۋلاۋعا شىققان.
تەك مامىر ايىندا قۇتقارۋشىلارعا تۇرعىندار تاراپىنان 9 رەت شاقىرتۋ تۇسكەن.
«قۇتقارۋ قىزمەتىنىڭ «112» نومىرىنە سامال-3 شاعىناۋدانىنداعى ماڭگىلىك ەل كوشەسىندە ورنالاسقان بالاباقشالاردىڭ بىرىنەن جىلان تابىلعانى تۋرالى حابار ءتۇستى. سونداي-اق، ازات شاعىناۋدانى اقباستاۋ كوشەسىندە دە تۇرعىن ۇيدەن جىلان تابىلدى. وقيعا ورنىنا 4 ادامنان تۇراتىن قۇتقارۋشىلار توبى شىعىپ، جىلاندى تاۋىپ، قاۋىپسىز ايماققا شىعاردى» - دەلىنگەن شىمكەنت قالاسى ت ج د قوعاممەن بايلانىس توبى تاراتقان حابارلامادا.