بايتەرەك حولدينگىنىڭ ءتوراعاسى قىتايدىڭ باۋديڭ قالاسىنداعى اۆتوموبيل زاۋىتىن ارالادى
«بايتەرەك» وكىلدەرى ەڭ اۋەلى سيۋشۋي زاۋىتىنا باس سۇقتى. مۇندا حولدينگتىڭ باسقارما ءتوراعاسى قانات شارلاپايەۆ CKD تاسىلىمەن قۇراستىرىلاتىن HAVAL اۆتوموبيلىنىڭ وندىرىسىمەن تانىستى.
اتالعان تەحنولوگيانى Astana Motors-تىڭ جاڭا جوباسىنا ەنگىزۋ جوسپارلانىپ وتىرعانىن ايتا كەتۋ كەرەك.
«اۋەلى سىزدەرگە «بايتەرەك» حولدينگىمەن ارىپتەستىككە قىزىعۋشىلىق تانىتقاندارىڭىز ءۇشىن العىس ايتامىن»، - دەدى قانات شارلاپايەۆ زاۋىت وكىلدەرىمەن كەزدەسۋىندە.
زاۋىتتىڭ ونىمدىلىك دەڭگەيى كوڭىل كونشىتەدى: ءبىر جۇمىس كەزەگىندە 600 كولىك قۇراستىرىلادى.
ودان بولەك دانەكەرلەۋ سەحىندا 500-دەن استام شۆەتسيالىق روبوت جۇمىس ىستەيدى. وسى روبوتتاردىڭ ارقاسىندا ءبىر مەزەتتە 5 ءتۇرلى مودەلدى دانەكەرلەۋگە مۇمكىندىك بار.
«بايتەرەك» ۇ ب ح ەنشىلەس ۇيىمدارىنىڭ ءبىرى ونەركاسىپتى قولداۋ قورى قازاقستانداعى مۋلتيبرەندتى اۆتوموبيل زاۋىتىنىڭ قۇرىلىسىن قارجىلاندىرۋعا قاتىسىپ وتىر.
بۇل قۇرىلىسقا Great Wall Motor Company Limited تە اتسالىسادى.
بۇدان كەيىن «بايتەرەك» حولدينگىنىڭ ءتوراعاسى قىتايداعى ەڭ ۇزىن تەست- درايۆ الاڭعا باردى. 2400 مەترلىك ترەككە جول جابىنىنىڭ 10 ءتيپى توسەلگەن.
اۋدانى 250 مىڭ شارشى مەتر بولاتىن اۋماقتا زەرتتەۋ ورتالىعى، سىنامالىق ءوندىرىس ورتالىعى، سىناق ورتالىعى، ديزاين ازىرلەۋ ورتالىعى جانە دەرەكتەردى وڭدەۋ ورتالىعى ورنالاسقان.
بۇگىندە Haval تەحنيكالىق ورتالىعىندا 10 مىڭنان استام قىزمەتكەر جۇمىس ىستەيدى. ونىڭ ىشىندە 1000-نان استامى - جەتەكشى جەرگىلىكتى جانە شەتەلدىك ساراپشىلار.
سونداي- اق، «بايتەرەك» وكىلدەرى ليتي باتارەيالارىن شىعاراتىن Feng Chao زاۋىتىندا بولدى.
بۇل زاۋىت كوبالت قوسپاسى جوق ليتي باتارەيالارىنىڭ العاشقى توپتاماسىن ءوندىرىپ وتىر.
بۇل جەردە قانات شارلاپايەۆ كاسىپورىننىڭ زەرتحاناسىن ارالاپ، سۋتەگى ەنەرگياسى R&Dورتالىعىنىڭ جۇمىسىمەن تانىستى.
سونداي- اق، ول وزگە دە جوبالارمەن تانىسىپ، اۆتوكولىكتەر تانىستىرىلىمىنا قاتىستى.
جوسپارداعى نىسانداردىڭ ءبارىن ارالاعاننان كەيىن قازاقستاننان بارعان دەلەگاتسيا مەن كاسىپورىن باسشىلىعى كونسترۋكتيۆتى كەلىسسوز جۇرگىزدى.
