جوعارى وقۋ ورىندارىندا وقىتۋ تىلىنە قاراماستان كاسىبي قازاق ءتىلى ءپانى ەنگىزىلۋى مۇمكىن

استانا. قازاقپارات - جوعارى وقۋ ورىندارىندا وقىتۋ تىلىنە قاراماستان، «كاسىبي قازاق ءتىلى» ءپانى ەنگىزىلۋى مۇمكىن. بۇل تۋرالى پرەمەر- ءمينيستردىڭ ورىنباسارى التاي كولگىنوۆ ءماجىلىس دەپۋتاتتارىنىڭ قازاق تىلىندەگى زاڭنامانىڭ ساپاسىن ارتتىرۋ تۋرالى ساۋالىنا بەرگەن جاۋابىندا ايتتى، دەپ حابارلايدى قازاقپارات ءتىلشىسى.

ۆيتسە- پرەمەردىڭ سوزىنە قاراعاندا، تەرمين تۇزۋگە ماماندانعان عىلىمي سەكسيالار قۇرىلماق.

«عىلىم جانە جوعارى ءبىلىم مينيسترلىگى قۇرامىنا مەملەكەتتىك ورگانداردىڭ قىزمەتكەرلەرى مەن عالىمدار تارتىلاتىن سالالىق تەرمينولوگيالىق سەكسيالار قۇرۋ باعىتىندا جۇمىس جۇرگىزۋدە. بۇل شارا رەسپۋبليكالىق تەرمينولوگيا كوميسسياسى بەكىتەتىن تەرميندەردىڭ ساپاسىن ارتتىرۋعا ىقپال ەتەدى. تەرمينولوگيالىق سەكسيالار كەيىننەن نورماتيۆتىك تەرمينولوگيالىق سوزدىكتەردى ازىرلەۋ جۇمىستارىنا دا تارتىلادى» ، - دەپ جالىزعان جاۋاپتا.

التاي كولگىنوۆتىڭ ايتۋىنشا، جوعارى وقۋ ورىندارىندا «كاسىبي قازاق ءتىلى» ءپانى ەنگىزىلى مۇمكىن.

«مينيسترلىك مەكتەپ تەرمينولوگياسىن دامىتۋ، رەسمي قۇجاتتاردىڭ ستيليستيكاسىن جەتىلدىرۋ، وقىتۋ تىلىنە قاراماستان جوعارى وقۋ ورىندارىنىڭ باعدارلاماسىنا «كاسىبي قازاق ءتىلى» ءپانىن ەنگىزۋ، سونداي- اق قازاق ءتىلىنىڭ عىلىمي، رەسمي- ىسكەرلىك ستيلدەرىن دامىتۋ ماسەلەلەرى بويىنشا عىلىمي زەرتتەۋلەر جۇرگىزۋ ماسەلەلەرىن پىسىقتاۋدا. جالپى، اتالعان باعىتتاعى جۇمىستار مۇددەلى مەملەكەتتىك ورگاندارمەن كەلىسۋ ساتىسىندا تۇرعان جانە زاڭنامادا بەلگىلەنگەن تارتىپپەن بەكىتىلەتىن قازاقستان رەسپۋبليكاسىنداعى ءتىل ساياساتىن دامىتۋدىڭ 2023-2029 -جىلدارعا ارنالعان تۇجىرىمداماسىنىڭ جوباسىندا كوزدەلگەن.