شىعىس قازاقستاندا ۆيزاسىز رەجيم تۋريزمدى دامىتادى
سوندىقتان ولار العاشقىلاردىڭ ءبىرى بولىپ اتالعان جوبانى باستاۋعا ۇسىنىس بىلدىرگەن بولاتىن. بۇل شەشىم بىردەن قابىلدانعان جوق، وتكەن جىلى سىناق تۇرىندە جۇرگىزىلدى. سول كەزدە كورشى ەلدەن كەلگەن تۋريستەرگە ەكى اپتالىق ۋاقىتتىڭ تىم تار ەكەنى انىقتالدى. جولدى ەسەپتەمەگەننىڭ وزىندە، تۋريستىك ورىنداردى تولىق ارالاپ ۇلگەرمەيدى. ماسەلەن قاتونقاراعاي نەمەسە بۇقتىرماعا جەتۋ ءۇشىن ولار الدىمەن استانا نە الماتىعا كەلىپ، سودان سوڭ وسكەمەنگە توقتاۋ كەرەك. بۇنىڭ بارلىعى ۆيزا مەرزىمىن ازايتا تۇسەدى.
اسقار ورازبايەۆ، ش ق و تۋريستىك قاۋىمداستىق ءتوراعاسى:
- شىنى كەرەك، ەگەر تۋريست باتىس، وڭتۇستىك نەمەسە وسى شىعىس قازاقستانعا كەلۋدى جوسپارلاسا، وعان ەكى اپتا جەتپەيدى. جول الىستىعىن بىلاي قويعاندا، ونىڭ جوسپارى وزگەرۋى مۇمكىن عوي. 14 كۇن تىم تىعىز. ءبىز تالقىلاپ جاتقان وتىز كۇندىك ۆيزاسىز رەجيمنىڭ تيىمدىلىگىن، تۇركيا دا، اراب امىرلىگى دە، تايلاند تا ءبىلىپ وتىر.
www.24.kz
