ۇكىمەت ەلىمىزدە وندىرىلەتىن تىڭايتقىشتاردى سىرتقا شىعارۋعا تىيىم سالماق
بۇل شارا وسى ءونىمدى ەل اۋماعىنان شىعارۋعا توسقاۋىل قويۋ جانە وتاندىق اۋىل شارۋاشىلىعى وندىرۋشىلەرىن قولداۋ ماقساتىندا قابىلدانىپ وتىر. اتالعان نورما شارۋالارعا اسا قاجەت امموني نيتراتى جانە امموفوس سياقتى تىڭايتقىشتار تۇرلەرىنە قاتىستى. ىشكى نارىقتى، اسىرەسە، كوكتەمگى ەگىس ماۋسىمى كەزىندە وسى تىڭايتقىشتارمەن قامتاماسىز ەتۋ ماڭىزدى، بۇل ماقساتتا ۇكىمەت ولاردىڭ قۇنىن % 50 كولەمىندە سۋبسيديالايدى.
سونىمەن بىرگە باعانىڭ تومەندىگىن الىپساتارلار دا پايدالانىپ كەتىپ جاتىر. بۇل وتاندىق اگراريلەردىڭ سۇرانىسىن قامتاماسىز ەتۋگە كەرى اسەر ەتەدى. سوندىقتان ۇكىمەت تىڭايتقىشتاردىڭ وسى تۇرلەرىن تەك ولاردى وندىرۋشىلەرگە عانا ەكسپورتتاۋعا ايرىقشا قۇقىق بەرۋ تۋرالى شەشىم قابىلدادى. وتاندىق اگراريلەردىڭ تىڭايتقىشتارعا دەگەن سۇرانىسى ءوڭىر اكىمدىكتەرىنىڭ وتىنىمدەرىنە سايكەس باسىم تارتىپپەن قامتاماسىز ەتىلمەك.
