وتكەن عاسىردىڭ ۇزدىك فۋتبولشىسى پەلەگە ماۆزولەي اشىلدى
ونىڭ ۇلدارىنىڭ ءبىرى ەدينو تۇسىندىرگەندەي، بۇل جەر ستاديون سەكىلدى، پەلە ءالى دە ويناپ جاتقان سياقتى اتموسفەرا قالىپتاسقان. بۇل - الەمدەگى ەڭ ۇلكەن تىك زيراتتىڭ يەسى، ۇلى فۋتبولشىنىڭ جاقىن دوسى، 2018 -جىلى قايتىس بولعان پەپە الستۋتتىڭ يدەياسى. الستۋت ماۆزولەيدى توعىزىنشى قاباتتا جاساماقشى بولعان، «سانتۋش» كلۋبىنىڭ «ۆيلا بەلميرو» ستاديونىنا قارايدى دەپ ۇمىتتەندى، وندا پەلە 18 جىل بويى وينادى.
ونىڭ ورنىنا وتباسى پەلەنى ەكىنشى قاباتقا جەرلەدى، سەبەبى جانكۇيەرلەر بارۋعا ىڭعايلى دەپ ويلاستىردى. پەلەنىڭ دەنەسى مۇندا 3-قاڭتاردا، 82 جاسىندا توق ىشەك قاتەرلى ىسىگىنەن قايتىس بولعاننان كەيىن بەس كۇن وتكەن سوڭ قويىلدى.
دۇيسەنبىدەن جۇماعا دەيىن كەسەنەگە بارعىسى كەلەتىندەر مەموريالدىق زيرات سايتىندا ۋاقىتتى برونداۋى كەرەك.
پەلە 1958، 1962 جانە 1970 -جىلدارى الەم كۋبوگىندا برازيليانى چەمپيون اتاندىردى. ول - ءۇش رەت جەڭىسكە جەتكەن جالعىز ويىنشى.
ايتا كەتسەك، بيىل پەلە ف ي ف ا-نىڭ ارناۋلى كۋبوگىمەن ماراپاتتالدى. حالىقارالىق فۋتبول فەدەراتسياسىنىڭ ارناۋلى كۋبوگىن اتى اڭىزعا اينالعان فۋتبولشىنىڭ جۇبايى مارسيا اوكيگە رونالدو تابىستادى.
سونداي-اق، ەدسون ارانتيس دۋ ناسيمەنتۋدىڭ (پەلە) ەسىمى پورتۋگال تىلىندەگى Michaelis سوزدىگىنىڭ سيفرلىق نۇسقاسىنا ەنگىزىلدى.
