جازعى لاگەرلەر قانداي سانيتاريالىق تالاپتاردى ساقتاۋى ءتيىس
«سانيتاريالىق ەرەجەلەرگە سايكەس، لاگەر اۋماعى قورشالىپ، وبەكتىلەر تۇرمىستىق اۋىزسۋ، ىستىق سۋ، كاناليزاتسيا، جارىقتاندىرۋ، جەلدەتۋ جانە باسقا دا جۇيەلەرمەن تولىق قامتاماسىز ەتىلۋى ءتيىس.
بارلىق ءۇي-جايلار تازا بولۋى مىندەتتى، جۋعىش جانە دەزينفەكتسيالىق قۇرالداردى قولدانا وتىرىپ، كۇندەلىكتى تازالاۋ جۇرگىزىلۋ كەرەك.
دەراتيزاتسيا جانە دەزينسەكتسيا شارالارى جۇرگىزىلىپ، جاندىكتەردىڭ، كەنەلەردىڭ، كەمىرگىشتەردىڭ بولۋىنا جول بەرىلمەۋى ءتيىس.
نىسانداردىڭ جيھازدارى مەن جابدىقتارى بالالاردىڭ ءوسۋى جانە جاس ەرەكشەلىكتەرىنە سايكەس بولۋى شارت»، - دەپ حابارلادى دەپارتامەنتتەن.
سونداي-اق جازعى ساۋىقتىرۋ ورنىندا نىسان باسشىسىمەن بەكىتىلگەن پەرسپەكتيۆتى ءمازىر جاسالادى. تاماق ونىمدەرىن جانە ازىق- تۇلىك شيكىزاتىن قابىلداۋ ولاردىڭ ساپاسى مەن قاۋىپسىزدىگىن كۋالاندىراتىن قۇجاتتارى بولعان جاعدايدا جۇزەگە اسىرىلادى. سۇزبە، ايران، كىلەگەي قوسىلعان كونديتەرلىك ونىمدەر، قۋىرىلعان ونىمدەر، قايماق پەن مايونەز قوسىلعان سالاتتار، ءتاتتى سۋسىندار، فاسفۋدتاردى وندىرۋگە جانە ساتۋعا رۇقسات ەتىلمەيدى.
«نىساننىڭ جاۋاپتى تۇلعالارى تاماقتاندىرۋ پۋنكتىنە قابىلدانعان ءونىمنىڭ ساپاسىن، ءونىمدى ساقتاۋ جاعدايلارىن جانە مەرزىمدەرىنىڭ ساقتالۋىن، تاۋلىكتىك ۇلگىنى تاڭداۋ مەن ساقتاۋدىڭ دۇرىستىعىن، تاعام دايىنداۋ تەحنولوگياسىنىڭ ساقتالۋىن، جەكە قىزمەتكەرلەر مەن اسحانا كەزەكشىلەرىنىڭ گيگيەنالىق ەرەجەلەردى ساقتالۋىن تەكسەرەدى. دايىن تاعامدى تاراتۋ مەديتسينا قىزمەتكەرلەرى دايىن تاعامدار ساپاسىنا ورگانولەپتيكالىق باعالاۋ جۇرگىزگەننەن كەيىن جۇزەگە اسىرىلۋى ءتيىس. كۇن سايىن اس بلوگىندا دايىن ءونىمنىڭ تاۋلىكتىك سىناماسى الىنۋى كەرەك»، - دەپ ەسكە سالدى دەپارتامەنت وكىلدەرى.
بۇدان بولەك، بارلىق قىزمەتكەرلەردىڭ جۇمىسقا قابىلدانعانى تۋرالى بەلگىسى بار جەكە مەديتسينالىق كىتاپشالارى بولۋ مىندەتتى.
«بالالاردىڭ دەنساۋلىعى دۇرىس تەڭدەستىرىلگەن تاماقتانۋمەن، دۇرىس ۇيقى، دەنە شىنىقتىرۋ جانە دۇرىس ۇيىمداستىرىلعان كۇندەلىكتى كۇن تارتىبىنە تىكەلەي بايلانىستى. ءبىز بالالارىمىزدىڭ قاراپايىم ومىرلىك داعدىلارىن، سونىڭ ىشىندە جەكە باس گيگيەناسىن ساقتاۋدى، بالالارىمىزعا قاۋىپسىز جانە پايدالى دەمالىستى قامتاماسىز ەتۋىمىز قاجەت»، - دەپ اتاپ ءوتتى ەپيدەميولوگتار.
