ۇلتتىق جوبالار قالاي ىسكە اسىرىلۋدا - قارجى ءمينيسترىنىڭ جاۋابى
«2022-جىلى 3 مەملەكەتتىك باعدارلاما جانە 10 ۇلتتىق جوبا جۇزەگە اسىرىلدى. ولار مەملەكەتتىك جوسپارلاۋدىڭ جاڭا جۇيەسىن ىسكە اسىرۋ اياسىندا بەكىتىلگەن بولاتىن. ءتۇرلى قارجىلاندىرۋ كوزدەرىنەن 8,2 تريلليون تەڭگە، ونىڭ ىشىندە رەسپۋبليكالىق بيۋجەتتەن 2,8 تريلليون تەڭگە ءبولىندى»، - دەدى ە. جاماۋبايەۆ.
ونىڭ اتۋىنشا، «ءبىلىمدى ۇلت» ساپالى ءبىلىم بەرۋ» ۇلتتىق جوباسىن ىسكە اسىرۋعا 227 ميلليارد تەڭگە ءبولىندى، 201 ميلليارد تەڭگە يگەرىلدى، ونىڭ 108 ميلليارد تەڭگەسى - رەسپۋبليكالىق بيۋجەت قاراجاتى.
«مەكتەپكە دەيىنگى تاربيەمەن جانە وقىتۋمەن 3 تەن 6 جاستاعى بالالاردىڭ %98,3 قامتىلعان. 136 مىڭ وقۋشى ورىندىق 247 مەكتەپ پايدالانۋعا بەرىلدى،
1003 مەكتەپ جاڭعىرتۋ جوباسى اياسىندا قامتىلدى. 2022-جىلى مەكتەپ سالۋ ەسەبىنەن 10471 جۇمىس ورنى قۇرىلدى، ونىڭ ىشىندە 6 692 ءسى تۇراقتى جۇمىس ورىندارى»، - دەدى مينيستر.
ونىڭ سوزىنە قاراعاندا، «قۋاتتى وڭىرلەر - ەلدى دامىتۋدىڭ درايۆەرى» ۇلتتىق جوباسىن ىسكە اسىرۋعا 2 تريلليون تەڭگەگە جۋىق قاراجات جوسپارلانسا، ونىڭ %98,4 يگەرىلدى. اۋىلدارعا دەنساۋلىق ساقتاۋ، ءبىلىم بەرۋ، الەۋمەتتىك قامسىزداندىرۋ، مادەنيەت، سپورت جانە اگروونەركاسىپتىك كەشەن سالالارى بويىنشا مەملەكەتتىك قىزمەتشىلەردى قوسا العاندا 4221 مامان تارتىلعان.
«بىلتىر 15,4 ميلليون شارشى مەتر تۇرعىن ءۇي پايدالانۋعا بەرىلدى. 130,7 مىڭ وتباسى تۇرعىن ءۇي جاعدايىن جاقسارتتى»، - دەدى ە. جاماۋبايەۆ.
سونىمەن قاتار ول «اۋىل - ەل بەسىگى» جوباسى اياسىندا 9 مىڭ ۋاقىتشا جۇمىس ورنى قۇرىلعانىن ايتتى.
بۇدان بۇرىن حابارلانعانداي، ق ر جوعارى اۋديتورلىق پالاتاسىنىڭ ءتوراعاسى ناتاليا گودۋنوۆا ۇلتتىق جوبالار اياسىندا جوسپارلاۋ سالاسىنا ءالى دە نازار اۋدارۋ كەرەك ەكەنىن ايتتى.
