وليمپيادا ويىندارىنا ساپالى دايىندالۋعا ۋادە بەرەمىز - مىرزاعالي ايتجانوۆ
«قۇرمەتتى قاسىم-جومارت كەمەل ۇلى! جاقىندا عانا تاشكەنتتە وتكەن الەم چەمپيوناتىندا سپورتشىلارىمىز ۇلكەن جەتىستىككە جەتتى. بۇل، ءوزىڭىز ايتقانداي، ەرىنبەي ەڭبەك ەتكەننىڭ، تەر توككەننىڭ ارقاسىندا. ال ەندى بوكس سالاسىنىڭ دامۋىنا، وسىنداي ۇلكەن جەتىستىككە جەتۋگە ءبىرىنشى كەزەكتە مەملەكەتتەن جانە قازاقستان بوكس فەدەراتسياسىنىڭ تاراپىنان بارلىق جاعداي جاسالعان»، - دەدى بۇگىن اقوردادا مەملەكەت باسشىسى قاسىم-جومارت توقايەۆپەن كەزدەسۋ كەزىندە باس باپكەر مىرزاعالي ايتجانوۆ.
ونىڭ ايتۋىنشا، الدا قازاقستان بوكسشىلارىن بيىلعى ازيا ويىندارى مەن ەندىگى جىلى بولاتىن وليمپيادا ويىندارى كۇتىپ تۇر.
«ەلىمىزدىڭ بوكسشىلارى وسى جارىستارعا تىڭعىلىقتى، ساپالى دايىندالىپ، ەلىمىزدىڭ، حالقىمىزدىڭ، جانكۇيەرلەردىڭ ءۇمىتىن اقتاۋعا بار كۇشىن سالادى. ەرىنبەي ەڭبەك ەتىپ، تەر توگىپ، ەلىمىزدى قۋانتامىز دەگەن سەنىممەن سىزگە ۋادە بەرەمىز»، - دەدى باس باپكەر.
ەسكە سالايىق، بۇگىن پرەزيدەنت بوكستان قازاقستان ەرلەر قۇراماسىنىڭ مۇشەلەرىن اقوردادا قابىلداعان بولاتىن. كەزدەسۋ بارىسىندا مىرزاعالي ايتجانوۆ قاسىم-جومارت توقايەۆقا بوكس قولعابىن سىيلادى.
قازاقستان قۇراماسى وزبەكستاندا وتكەن الەم بىرىنشىلىگىندە 4 التىن، 1 كۇمىس مەدال جەڭىپ الدى.
