تەگىن دونەر تاراتقان اقتوبەلىك كاسىپكەرگە ايىپپۇل سالىندى

اقتوبە. قازاقپارات - اقتوبە قالاسىندا دونەردى تەگىن تاراتىپ، ادامداردىڭ كەپتەلىسىن تۋىنداتقان كاسىپكەرگە قاتىستى اكىمشىلىك ءىس قوزعالدى، دەپ حابارلايدى قازاقپارات ءتىلشىسى.

اقتوبە قالاسىنىڭ ەسكى بولىگىندە دونەر دۇكەنىن اشقان كاسىپكەر الەۋمەتتىك جەلى ارقىلى تاعامنىڭ تەگىن تاراتىلاتىنىن حابارلايدى. كەشە ساعات 14:00 دە ساۋدا ورنىنىڭ اشىلۋى بولىپ، وعان ءبىرقاتار بلوگەر شاقىرىلعان. ادام كوپ جينالادى. جاستاردىڭ توپ- توبىمەن ءجۇرىپ، ءبىر- ءبىرىن يتەرىپ، العا ۇمتىلعان ساتىنەن تۇسىرىلگەن ۆيدەو الەۋمەتتىك جەلى ارقىلى تاراپ كەتتى.

پوليتسيا وسى وقيعا بايلانىستى اكىمشىلىك ءىس قوزعادى.

«ق ر اكىمشىلىك قۇقىقبۇزۋشىلىق تۋرالى كودەكستىڭ 505-بابى بويىنشا حاتتاما تولتىرىلدى. كاسىپكەرگە 55 مىڭ تەڭگە ايىپپۇل سالىندى»، - دەدى وبلىستىق پ د باسپا ءسوز قىزمەتىنىڭ جەتەكشىسى ەربولات سارقۇلوۆ.

ەسكە سالساق، اقتوبەلىك جاستار بيىل جازدا جۇمىس ىستەپ، 130 مىڭ تەڭگە جالاقى تابا الادى. تابيعي رەسۋرستار جانە تابيعاتتى قورعاۋ باسقارماسى ارقىلى 1200 جاس كوگالداندىرۋ جۇمىستارىن اتقارادى. ال، 800 ءى اباتتاندىرۋ جانە قۇرىلىس سالاسىنا باعىتتالادى.

«بيىل جاستاردىڭ جالاقىسى ءوستى. بىلتىر 100 مىڭ تەڭگە السا، بيىل 120-130 مىڭ تەڭگە ەڭبەكاقى بەرىلەدى. بۇل - جاستاردىڭ جۇمىسىنا بايلانىستى بەرىلەتىن جالاقى كولەمى. نەگىزى 16-35 جاس ارالىعىنداعى جاستار ەڭبەككە ارالاسا الادى. مەكتەپ وقۋشىلارى اتا- اناسىنىڭ رۇقساتىن الۋى ءتيىس. جاستاردان جەكە كۋالىك كوشىرمەسى، 075 انىقتاماسى مەن جۇمىسسىزدىعىن راستايتىن قۇجات سۇرالادى»، - دەدى «جاسىل ەل» جاستار ەڭبەك جاساقتارى جانە «اتامەكەن» ستۋدەنتتەر وتريادتارى قوعامدىق بىرلەستىگىنىڭ ءتوراعاسى نۇرجان شاڭعىتبايەۆ.