مەملەكەت باسشىسى ورتالىق سايلاۋ كوميسسياسىنىڭ ءتوراعاسى نۇرلان ءابدىروۆتى قابىلدادى

استانا. قازاقپارات - مەملەكەت باسشىسى ورتالىق سايلاۋ كوميسسياسىنىڭ ءتوراعاسى نۇرلان ءابدىروۆتى قابىلدادى، دەپ حابارلايدى قازاقپارات اقوردانىڭ رەسمي سايتىنا سىلتەمە جاساپ.

پرەزيدەنتكە قازاقستان رەسپۋبليكاسى پارلامەنتى ءماجىلىسى مەن ءماسليحاتتارى دەپۋتاتتارىنىڭ سايلاۋىن وتكىزۋ جونىندەگى ورتالىق سايلاۋ كوميسسياسى جۇمىسىنىڭ قورىتىندىلارى جايلى مالىمەت بەرىلدى.

سونداي- اق نۇرلان ءابدىروۆ سايلاۋ جۇيەسىن جەتىلدىرۋ جانە سايلاۋ ورگاندارىنىڭ كاسىبيلىگىن ارتتىرۋ بويىنشا ورتالىق سايلاۋ كوميسسياسىنىڭ اتقارىپ جاتقان جۇمىستارىنىڭ ناتيجەلەرى تۋرالى باياندادى.