جاقىندا قازاقستان مەن سينگاپۋر اراسىندا تىكەلەي اۋە رەيستەرى ۇشا باستايدى
قازاقستان مەن سينگاپۋردىڭ اۆياتسيالىق بيلىك ورگاندارى بەينەبايلانىس ارقىلى كەلىسسوزدەر جۇرگىزدى. قازاقستاندىق دەلەگاتسيانى ازاماتتىق اۆياتسيا كوميتەتىنىڭ ءتوراعاسى لاستايەۆ تالعات، سينگاپۋر دەلەگاتسياسىن ازاماتتىق اۆياتسيا باسقارماسىنىڭ باس ديرەكتورى حان كوك حۋان باسقاردى.
كەلىسسوزدەر بارىسىندا قازاقستاندىق تاراپ تىكەلەي رەيستەرگە قىزىعۋشىلىق ءبىلدىرىپ، سينگاپۋرلىق اۆياكومپانيالارعا قازاقستانداعى «اشىق اسپان» رەجيمىن، ونىڭ ىشىندە اۋا بوستاندىعىنىڭ «بەسىنشى دارەجەسى» قۇقىعىن پايدالانا وتىرىپ، پايدالانۋدى ۇسىندى. سينگاپۋرلىق تاراپ «اشىق اسپان» رەجيمىن قۇپتاپ، بۇل ۇسىنىس سينگاپۋرلىق اۆياكومپانيالارمەن پىسىقتالاتىنىن حابارلادى.
تاراپتار 2023 -جىلعى شىلدەدە سينگاپۋرلىق اۆياكومپانيالار مەن سينگاپۋر- چانگي اۋەجايىنىڭ قاتىسۋىمەن وتەتىن كەزدەسۋ شەڭبەرىندە اۋە قاتىناسىن اشۋ ماسەلەلەرىن تالقىلاۋدى جالعاستىرۋعا كەلىستى.
سونىمەن قاتار، سينگاپۋر تاراپى سينگاپۋردىڭ ازاماتتىق اۆياتسيا اكادەمياسىندا وقۋدان ءوتۋ مۇمكىندىگى تۋرالى ايتتى.
قازاقستاندىق تاراپ «ەير استانا» اۋەكومپانياسىنىڭ ەلدەر اراسىنداعى ۇشۋلاردى ورىنداۋدى باستاۋ جوسپارىن اتاپ ءوتتى.
