قازاقستان تاراپى رەسەي گازىن وزبەكستانعا تاسىمالداۋ مۇمكىندىگىن تالقىلاپ جاتىر - ەنەرگەتيكا مينيسترلىگى

استانا. قازاقپارات - قازاقستان تاراپى رەسەي گازىنىڭ وزبەكستانعا تاسىمالداۋ مۇمكىندىگىن قاراستىرىپ جاتىر. بۇل تۋرالى ۇكىمەت وتىرىسىنان كەيىن ب ا ق وكىلدەرىنىڭ ساۋالىنا جاۋاپ بەرگەن ەنەرگەتيكا ءمينيسترى الماسادام ساتقاليەۆ ايتتى، دەپ حابارلايدى قازاقپارات ءتىلشىسى.

«بۇعان دەيىن ر ف سىرتقى ىستەر ءمينيسترى سەرگەي لاۆروۆ رەسەي گازىن تاسىمالداۋ بويىنشا ەكىجاقتى كەلىسسوزدەر ءجۇرىپ جاتقانىن ايتقان بولاتىن. كەلىسسوزدەر ءجۇرىپ جاتىر ما؟»، - دەپ سۇرادى ب ا ق وكىلى ەنەرگەتيكا مينيسترىنەن.

«بۇگىندە قازاقستان ارقىلى رەسەيلىك گازدى وزبەكستانعا ترانزيت ماسەلەسى بويىنشا كەلىسسوز ءجۇرىپ جاتىر. ول كونسترۋكتيۆتى تۇردە جۇرۋدە. كەلىسسوز ناتيجەسىن سىزدەرگە قوسىمشا حابارلايمىز»، - دەپ جاۋاپ بەردى مينيستر الماسادام ساتقاليەۆ ۇكىمەت وتىرىسىنان سوڭ.

سونداي- اق، ول رەسەيدەن قازاقستاننىڭ سولتۇستىك اۋماقتارى ارقىلى قىتايعا گاز قۇبىرىن سالۋ ماسەلەسى تالقىلانىپ جاتقانىن ايتتى. ءمينيستردىڭ دەرەگىنشە، الدىن- الا مارشرۋت انىقتالعان جانە قۇبىردى سالۋ شارتتارى كەلىسىلگەن.