قاي مينيسترلىكتەر مەن اكىمدىكتەر بيۋدجەت قاراجاتىن يگەرە الماي وتىر
«مەملەكەتتىك بيۋدجەت شىعىستارى - 98,6، رەسپۋبليكالىق بيۋدجەت شىعىستارى – 99، جەرگىلىكتى بيۋدجەت شىعىستارى 98,6 پايىزعا اتقارىلدى. رەسپۋبليكالىق بيۋدجەت بويىنشا سوماسى 7 تريلليون تەڭگەگە شىعىستار جۇرگىزىلدى. اتقارىلماعان سوما - 72 ميلليارد تەڭگە، ونىڭ ىشىندە 16 ميلليارد تەڭگە - ۇنەمدەلگەنى. يگەرىلمەگەنى - 55 ميلليارد تەڭگە»، - دەدى ەرۇلان جاماۋبايەۆ.
ونىڭ ايتۋىنشا، يگەرىلمەگەن نەعۇرلىم ءىرى سوما مادەنيەت جانە سپورت، اقپارات جانە قوعامدىق دامۋ، ەكولوگيا جانە تابيعي رەسۋرستار، سيفرلىق دامۋ، يننوۆاتسيالار جانە ايەروعارىش ونەركاسىبى مينيسترلىكتەرىندە قالىپتاستى.
«يگەرىلمەۋدىڭ نەگىزگى سەبەپتەرى: شارت جاساسۋ راسىمدەرىن ۇزاق جۇرگىزۋ، ناقتى كورسەتىلگەن قىزمەت كولەمىنە تولەم جۇرگىزۋ، مەملەكەتتىك ساتىپ الۋ كونكۋرستارىنىڭ ۇزاق وتكىزىلۋى، ورىندالعان جۇمىس اكتىلەرى مەن شوت- فاكتۋرالاردىڭ ۋاقتىلى ۇسىنىلماۋى جانە باسقالارى»، - دەدى مينيستر.
سونداي- اق بيىل 4 ايدا ءتورت ءوڭىر 14 ميلليارد تەڭگە نىسانالى ترانسفەرتتى يگەرە المادى.
«جەرگىلىكتى بيۋدجەت شىعىستارى 3,3 تريلليون تەڭگەنى قۇرادى. اتقارىلماعانى - 47 ميلليارد تەڭگە. بيىل وڭىرلەرگە 2 تريلليون تەڭگەگە جۋىق نىسانالى ترانسفەرت كوزدەلگەن. ولارعا 1-مامىرعا 473 ميلليارد تەڭگە بولىنگەن»، - دەدى قارجى ءمينيسترى.
ەرۇلان جاماۋبايەۆتىڭ اتاپ وتۋىنشە، اتالعان قارجىنىڭ 97 پايىزى يگەرىلگەن.
«يگەرىلمەگەنى - 14 ميلليارد تەڭگە. ەڭ كوپ يگەرىلمەگەن سوما استانا جانە الماتى قالالارىندا، اتىراۋ جانە تۇركىستان وبلىستارىندا قالىپتاستى»، - دەدى ول.
