قازاقستاننىڭ گاز وندىرۋدەن الەۋەتى زور

بۇعان دەيىن جۇرگىزىلگەن بارلاۋ جۇمىستارى 4 تريلليون تەكشە مەترگە جۋىق گاز قورى بارىن راستاعان. الايدا جەر قويناۋىنداعى قور بۇدان 16 ەسە كوپ دەگەن بولجام كەلتىرىلەدى. فورۋمدا الەۋەتى زور سالاعا قارجى قۇيار ينۆەستورلاردى ىنتالاندىرۋدىڭ تەتىگى ۇسىنىلدى. قازاقستاننىڭ الەمدىك گاز نارىعىندا ويىپ تۇرىپ ورىن الاتىنداي الەۋەتى بار.
QAZAQGAZ ۇلتتىق كومپانياسى ءتوراعاسىنىڭ ايتۋىنشا، ەلىمىزدىڭ راستالعان گاز قورى - 3,8 تريلليون تەكشە مەتر، بولجامدىق رەسۋرس - 62 تريلليون تەكشە مەتر شاماسىندا. سوندىقتان، كوگىلدىر وتىن ءوندىرۋ مەن وڭدەۋگە قاتىستى قولعا الىنعان رەفورمالار حالىقتىڭ ءال- اۋقاتىن جاقسارتۋعا قوماقتى ۇلەس قوسا الادى.
سانجار جاركەشوۆ، «QAZAQGAZ» ۇ ك» ا ق ءتوراعاسى:
- بىزدە نەگىزى 15 وسادوچنىي باسسەين دەيدى عوي گەولوگيالىق تىلمەن ايتقاندا. سول 15- ءتىڭ ىشىندە 3-4- ۋى عانا جاقسى يگەرىلگەن. سوندىقتان پوتەنتسيالى وتە جوعارى.
قازاقستان جىلىنا 53 ميلليارد تەكشە مەتر گاز وندىرسە، ونىڭ تەك جارتىسى وڭدەلەدى. قايتا وڭدەۋدى جولعا قويۋ ءۇشىن گاز وڭدەيتىن زاۋىتتار سالۋ كەرەك. ول ءۇشىن بارلاۋ مەن بۇرعىلاۋدى جۇرگىزەتىن ينۆەستورلارعا تارتىمدى باعا ۇسىنعان ءجون. ويتكەنى 10 ۇڭعىمانىڭ تەك ەكەۋى عانا پايدا اكەلۋى مۇمكىن. وسى ورايدا، وندىرۋشىلەردى قارجىلىق تۇرعىدان ىنتالاندىراتىن جاڭا باعا ۇسىنىلدى.
ايتا كەتەرلىگى، قاشاعاندا تۇرالاپ قالعان گاز وڭدەۋ زاۋىتى قايتا جانداندى. جىلىنا 4 ميلليارد تەكشە مەتر گاز وڭدەيتىن تاعى ءبىر زاۋىت سالۋ جوسپاردا بار. فورۋم قورىتىندىسى بويىنشا، QazaqGaz 30-عا جۋىق جەر قويناۋىن پايدالانۋشى كومپانيامەن قوسىمشا گاز ساتىپ الۋ جونىندە الدىن الا كەلىسىمدەرگە قول قويدى.
www.24.kz