تۇركيا پرەزيدەنتتىگىنە كانديداتتاردىڭ سايلاۋالدى ۇگىت ناۋقانى باستالدى
سايلاۋ پروتسەسى جوعارى سايلاۋ كوميسسياسى دايىنداعان كۇنتىزبەگە سايكەس وتەدى.
پرەزيدەنت سايلاۋىنىڭ كەلەسى كەزەڭى 28-مامىرعا جوسپارلانعان.
ەكىنشى كەزەڭدەگى داۋىس بەرۋ كەزىندە ادىلدىك پەن دامۋ پارتياسىنىڭ باسشىسى جانە ءىس باسىنداعى پرەزيدەنت رەجەپ تايپ ەردوعان مەن وپپوزيتسيالىق رەسپۋبليكالىق حالىق پارتياسىنىڭ ليدەرى كەمال كىلىچداروعلى قاتىسادى.
كانديداتتاردىڭ سايلاۋالى ۇگىت جۇمىستارى دۇيسەنبى، ياعني 15-مامىردا باستالادى.
ەكىنشى كەزەڭدە شەتەلدەن جانە كەدەن بەكەتتەرىندە داۋىس بەرۋ 20-24-مامىر ارالىعىندا وتەدى.
راديو مەن تەلەۆيزيا ارقىلى ۇگىت-ناسيحات 24-مامىردا باستالادى، ال كانديداتتاردىڭ سايلاۋالدى ناۋقانى 27-مامىر كۇنى جەرگىلىكتى ۋاقىت بويىنشا ساعات 18:00-دە اياقتالادى.
جوعارى سايلاۋ كوميسسياسى داۋىس بەرۋدىڭ قورىتىندى ناتيجەسىن 1-ماۋسىمدا جاريالايدى.
