قاي وڭىردە بالا تۋۋ جانە ءولىم-ءجىتىم كورسەتكىشى جوعارى
ۇلتتىق ستاتيستيكا بيۋروسىنىڭ مالىمەتىنشە، بيىلعى ءبىرىنشى توقساندا ەلىمىزدە 93,5 مىڭ بالا دۇنيەگە كەلدى (2021-جىلى -100,4 مىڭ، 2022-جىلى - 95,6 مىڭ)، ونىڭ ىشىندە 48,4 مىڭى - ۇلدار، 45,1 مىڭى - قىزدار.
ءبىرىنشى توقساندا 32,6 مىڭ ادام قايتىس بولدى (2021-جىلى - 36,1 مىڭ، 2022-جىلى - 38,1 مىڭ).
ناتيجەسىندە حالىقتىڭ تابيعي ءوسىمى 2023 -جىلدىڭ ءۇش ايىندا 60,9 مىڭ ادامدى قۇرادى.
ءبىر جاسقا دەيىنگى 728 نارەستە شەتىنەگەن.
تۋۋدىڭ ەڭ جوعارى كورسەتكىشى تىركەلگەن وڭىرلەر:
- ماڭعىستاۋ وبلىسى (1000 تۇرعىنعا شاققاندا 26,31 ادام)؛
- تۇركىستان وبلىسى (25,59 ادام) ؛
- شىمكەنت قالاسى - (24,37 ادام).
ءولىم-ءجىتىمنىڭ ەڭ جوعارى دەڭگەيى تىركەلگەن وڭىرلەر:
- سولتۇستىك قازاقستان وبلىسى (1000 تۇرعىنعا شاققاندا 11,53)؛
- شىعىس قازاقستان وبلىسى (11,12 ادام)؛
- قوستاناي وبلىسى (10,81 ادام).
