رەسەي مۇنايىن قازاقستان ارقىلى قىتايعا ترانزيتتەۋ شارتى ۇزارتىلدى
«قازترانسويل» ا ق مەن «روسنەفت» ۇ ك» جاق رەسەي مۇنايىن قازاقستان رەسپۋبليكاسىنىڭ اۋماعى ارقىلى قىتاي حالىق رەسپۋبليكاسىنا تاسىمالداۋ بويىنشا قىزمەتتەر كورسەتۋگە ارنالعان شارتقا قوسىمشا كەلىسىم جاساستى.
وسىلايشا، ەكى ەل ۇكىمەتى اراسىندا 2013-جىلعى 24- جەلتوقساندا بەكىتىلگەن شارت مەرزىمى 2034-جىلعى 1- قاڭتارعا دەيىن ۇزارتىلدى. قوسىمشا كەلىسىم جىلىنا 10 ميلليون توننا رەسەي مۇنايىن قىتاي حالىق رەسپۋبليكاسىنا تاسىمالداۋدى جانە قولدانىستاعى تاريفتى ساقتاۋدى كوزدەيدى.
قازىر «قازترانسويل» - دىڭ «رەسەي فەدەراتسياسىنىڭ شەكاراسى - قازاقستان رەسپۋبليكاسىنىڭ شەكاراسى (ەرتىس) - اتاسۋ (ق ر) - الاشاڭقاي (ق ح ر)» باعىتى بويىنشا قازاقستان اۋماعى ارقىلى قىتايعا جىلىنا 10 ميلليون توننا رەسەي مۇنايىن تاسىمالداۋ قىزمەتىنىڭ ءتاريفى - تونناسىنا 15 ا ق ش دوللارى (ق ق س ەسەبىنسىز). ونىڭ ىشىندە «اتاسۋ» ب م ا س- عا مۇنايدى اۋىستىرىپ تيەۋدى قوسا العاندا، «رەسەي فەدەراتسياسىنىڭ شەكاراسى - قازاقستان رەسپۋبليكاسىنىڭ شەكاراسى (ەرتىس ءوڭىرى) - اتاسۋ ۋچاسكەسىندە تاريف - 1 تونناعا 4,23 ا ق ش دوللارى (ق ق س ەسەبىنسىز)، «اتاسۋ (قازاقستان رەسپۋبليكاسى) - الاشاڭقاي (قىتاي حالىق رەسپۋبليكاسى)» ۋچاسكەسىندە - 1 تونناسى ءۇشىن 10,77 ا ق ش دوللارى (ق ق س ەسەبىنسىز).
2023-جىلدىڭ قاڭتار-ءساۋىر ايلارىندا «قازترانسويل» قىتايعا 3,2 ميلليون توننا رەسەي مۇنايىنىڭ ترانزيتىن جۇزەگە اسىردى.
