20:56, 15 - مامىر 2023 | GMT +5
ديماش پەن گولوۆكين قازاق بوكسشىلارىن الەم چەمپيوناتىنداعى جەتىستىگىمەن قۇتتىقتادى
استانا. قازاقپارات - ءانشى ديماش قۇدايبەرگەنوۆ پەن كاسىپقوي بوكسشى گەننادي گولوۆكين قازاق بوكسشىلارىن تاشكەنتتە وتكەن الەم چەمپيوناتىنداعى جەڭىسىمەن قۇتتىقتادى، دەپ حابارلايدى قازاقپارات ءتىلشىسى.
«سپورتشىلارىمىزدى 4 التىن جانە 1 كۇمىس مەدالمەن شىن جۇرەكتەن قۇتتىقتاعىم كەلەدى»، - دەپ جازدى ديماش قۇدايبەرگەنوۆ Instagram-دا.
ال گەننادي گولوۆكين ءىزباسارلارىنىڭ كەلەر جىلى فرانسيا استاناسىندا وتەتىن وليمپيادا ويىندارىنا ءساتتى دايىندالۋىنا تىلەكتەستىك ءبىلدىردى.
«باپكەرلەر شتابىنىڭ ەڭبەگىن ەرەكشە اتاعىم كەلەدى. كەرەمەت جۇمىس! وليمپيادا ويىندارىنىڭ دايىندىعىندا ساتتىلىك تىلەيمىن»، - دەپ جازدى GGG.
ەسكە سالساق، تاشكەنتتە ەرلەر اراسىندا بوكستان اياقتالعان الەم چەمپيوناتىندا قازاقستان قۇراماسى مەدالدار كەستەسىندە ەكىنشى ورىن العان بولاتىن.
وسىعان وراي مەملەكەت باسشىسى قاسىم-جومارت توقايەۆ بوكستان تاشكەنتتە وتكەن الەم چەمپيوناتىنىڭ جەڭىمپازدارىن قۇتتىقتاعان ەدى.
