قازاقستان «سپورتتاعى جەمقور» ەلدەردىڭ وندىعىنا ەندى
كورسەتكىش 2015-جىلى الاياقتىقتى انىقتاۋدىڭ امبەباپ جۇيەسى ىسكە قوسىلعاننان بەرى العاش رەت مىڭنان اسىپ وتىر، - دەپ حابارلايدى Ranking.kz سايتى
ەرلەر اراسىنداعى جارىستا 1188، ايەلدەر اراسىندا 24 كەزدەسۋ بولدى. Sportradar ساراپشىلارىنىڭ پىكىرىنشە، سپورتتاعى كۇماندى ماتچتاردىڭ وسۋىنە 2022-جىلى الەمنىڭ كوپ بولىگىن شارپىعان ەكونوميكالىق كۇيزەلىس اسەر ەتتى. ناتيجەسىندە، جوعارى دەڭگەيدەگى ەمەس كوپتەگەن جارىستار، كوماندالار مەن سپورتشىلار قارجىلىق قىسىمنىڭ كۇشەيۋىنە تاپ بولدى، بۇل اتالعان ۇردىسكە تەرىس اسەر ەتكەنى ءسوزسىز.
وسىعان بايلانىستى العاشقى ون ەلدىڭ ۇلەسىنە الەمدەگى بارلىق كۇماندى ماتچتاردىڭ 47,1 پايىزى تيەسىلى. وكىنىشكە قاراي، قازاقستان 2022-جىلى 43 كۇماندى ويىنمەن بۇل انتيرەيتينگتە 4-ورىنعا تۇراقتادى. برازيليادا (152 كۇدىكتى ماتچ)، رەسەيدە (92 ماتچ) جانە چەحيادا (56 ماتچ) جاعداي قازاقستانعا قاراعاندا ناشار، قىتايدا (41 ماتچ)، گرەكيادا (40 ماتچ) جانە ارگەنتينادا (39 ماتچ) قازاقستاننان جاقسىراق.
ماكرووڭىرلەر بويىنشا ەڭ كوپ كۇماندى ماتچتار ەۋروپادا تىركەلدى: 630. ودان كەيىن ازيا مەن وڭتۇستىك امەريكا: سايكەسىنشە 240 جانە 225 ماتچ. افريكادا 93 كۇماندى ماتچ، سولتۇستىك امەريكادا 23 كۇماندى ماتچ تىركەلدى. بۇل رەتتە مۇنداي داۋلى ماتچتار سانىنىڭ ايتارلىقتاي وسكەنى افريكا مەن وڭتۇستىك امەريكادا بايقالدى: ءبىر جىلدا تيىسىنشە 82 پايىز جانە 72 پايىز.
كۇماندى ويىنداردىڭ شامامەن ۇشتەن ەكىسى ەڭ تانىمال سپورت ءتۇرى فۋتبولعا قاتىستى: 775 ماتچ، 2021-جىلمەن سالىستىرعاندا 11,5 پايىز ءوستى. ودان كەيىنگى ورىندا باسكەتبول: 220 ماتچ، 3,5 ەسە كوبەيگەن. تەننيستە كۇدىكتى ماتچ 41,5 پايىز ءوسىپ 75 بولدى. ساراپشىلاردىڭ كۇمانى تۋىنداعان سپورت تۇرلەرىنىڭ قاتارىندا ۇستەل تەننيسى (62 ماتچ) جانە كيبەرسپورت (36 ماتچ) تا بار. كريكەت، حوككەي، گاندبول جانە باسقا دا سپورت تۇرلەرى كۇماندى ماتچتاردىڭ جالپى سانىنىڭ 3,6 پايىزىن عانا قۇراعان.
كۇماندى ماتچتاردىڭ كوبى فۋتبولدا بولعانى تاڭقالارلىق ەمەس: بۇل الەمدەگى ەڭ تانىمال سپورت ءتۇرى عانا ەمەس، سونىمەن قاتار ءباس تىگۋدە ەڭ قولايلىسى. سونىمەن قاتار، فۋتبولدان تىس كۇماندى جارىستاردىڭ سانى ايتارلىقتاي ءوستى: مىسالى، ەگەر 2021-جىلى فۋتبول بىردەن بارلىق كۇماندى ماتچتاردىڭ 77 پايىزىن قۇراپ، باسقا سپورت تۇرلەرىندە ولاردىڭ سانى نەبارى 210 بولسا، 2022-جىلى كورسەتكىش 437.
ايتا كەتەيىك، فۋتبولداعى كۇماندى ماتچتاردىڭ ۇلكەن ۇلەسى ەكىنشى جانە ءۇشىنشى ليگالار ويىندارىندا بايقالدى: تيىسىنشە 30,6 پايىز جانە 29,03 پايىز. بۇل رەتتە كۇماندى ماتچتاردىڭ تەك 17,5 پايىزى ءبىرىنشى نەمەسە ەڭ جوعارى ليگادا بولدى.
سونداي-اق فۋتبولدا كۇماندى ماتچتاردىڭ ەڭ جوعارى ۇلەسى بولدى، 2022-جىلى بارلىق فۋتبول ماچتىنىڭ 0,59 پايىز نەمەسە ءاربىر 177 ويىندا 1 كۇماندى ماتچ. ودان كەيىنگى ورىندا باسكەتبول (0,51 پايىز)، كيبەرسپورت (0,2 پايىز)، تەننيس (0,07 پايىز) جانە ۇستەل تەننيسى (0,04 پايىز). جالپى، 2022-جىلى بارلىق سپورت تۇرلەرى بويىنشا كۇماندى ماتچتاردىڭ جيىلىگى ءاربىر 476 ويىندا 1 نەمەسە بارلىق سپورتتىق ءىس-شارانىڭ 0,21 پايىزى.
فۋتبولداعى كۇماندى ماتچتەردىڭ ەڭ كوپ شوعىرلانعانىن IBIA (حالىقارالىق ءادىل ءباس تىگۋ جانە پاري قاۋىمداستىعى) دەرەكتەرى دە راستايدى. قاۋىمداستىق ۇزدىك بەس فۋتبول ليگاسىنداعى ماتچتار، چەمپيوندار ليگاسى جانە ەۋروپا ليگاسى ءباس تىگۋلەردىڭ 25 پايىزدان از، ال باسقا ليگالار بارلىق ستاۆكانىڭ تورتتەن ۇشتەن استامىن نەمەسە 110 ميلليارد ا ق ش دوللارىن قۇرايدى دەپ سانايدى. ليتسەنزياسى بار بۋكمەكەرلىك كەڭسەلەر بۇل جاعدايدان زارداپ شەگىپ جاتىر، ولار ماتچتاردىڭ كەسىرىنەن جىلىنا 25 ميلليون ا ق ش دوللارىن جوعالتادى.
سونىمەن قاتار، قازاقستاندا 2022-جىلى قۇمار ويىندار مەن ءباس تىگۋلەردى ۇيىمداستىرۋ قىزمەتىنىڭ كولەمى 553,7 ميلليارد تەڭگەگە جەتتى، بۇل 2021-جىلمەن سالىستىرعاندا بىردەن 7,5 ەسە ارتىق.
سالىستىرۋ ءۇشىن: جالپى 2022-جىلعا سپورت، دەمالىس جانە ويىن-ساۋىق سالاسىنداعى قىزمەت كورسەتۋ كولەمى 589,6 ميلليارد تەڭگە، بۇل 2021-جىلمەن سالىستىرعاندا 47,7 پايىز ارتىق. بۇل رەتتە سپورت كلۋبتارىنىڭ قىزمەتى ءبىر جىل ىشىندە نەبارى 22,5 پايىز عانا ءوسىپ 31,8 ميلليارد تەڭگەگە جەتكەن.
