ەلوردادا حالىقارالىق يتتەر كورمەسى ءوتىپ جاتىر
وعان 300-دەن استام ساققۇلاق قاتىسىپ جاتىر. حالىقارالىق شاراعا قىرعىزستان، وزبەكستان جانە رەسەي ەلدەرىنەن دە يتقۇمار جاندار كەلگەن. العاشقى وندىقتاعى ءيت تۇقىمدارىن حالىقارالىق كينولوگيا قاۋىمداستىعى تانىعان. ال سوڭعىسى - قازاقتىڭ قۇماي تازىسى. ول ازىرگە حالىقارالىق دەڭگەيدە تازا تۇقىم دەپ تانىلماعان. كورمە ۇيىمداستىرۋشىلارىنىڭ ايتۋىنشا، ول ءۇشىن شامامەن 10 جىلداي ۋاقىت قاجەت. سەبەبى ءتيىستى ستاندارتتار دۇنيەجۇزىنىڭ ماماندارىمەن ءجىتى تەكسەرىلۋى ءتيىس.
ەۆگەني ميچكوۆسكي، كورمە ۇيىمداستىرۋشىسى:
- ستاندارتتارى بار جانە ءتۇرلى كورمەلەرگە قاتىسۋ قۇقىعىنا يە بولسا دا، قازاقتىڭ تازىسىن قازىر حالىقارالىق قاۋىمداستىق تانىلماعان ءيت تۇقىمى رەتىندە بەكىتكەن. الەمدە مۇنداي ساناتقا جاتاتىن يتتەر جەتەرلىك. جالپى تازىنىڭ ستاندارتىن قازاقستان ازىرلەيدى. ول جاقىن ارادا حالىقارالىق ۇيىمعا جولدانادى. بىزدەگى يتتەردىڭ وسى تالاپقا سايكەستىگى 10 جىل بويى تەكسەرىلۋى مۇمكىن. سودان سوڭ عانا ينتەر چەمپيون دەگەن حالىقارالىق اتاق بەرىلىپ، قازاقتىڭ قۇماي تازىسى شىنىمەن تازا تۇقىم دەپ الەمدە تانىلاتىن بولادى.
