ساراپشى تۇركياداعى سايلاۋ تۋرالى: كىمنىڭ پرەزيدەنت بولاتىنىن حالىق شەشەدى
«بۇگىن تۇركيادا وتكەن پرەزيدەنتتىك سايلاۋدىڭ ءبىر ەرەكشەلىگى - بۇل ەلدە بۇرىن- سوڭدى بولماعان كوپتەگەن الەۋمەتتىك ساۋالنامالار جۇرگىزىلىپ، جاريالاندى. ولارعا پارتيالار دا، ۇكىمەت تە، بۇقارالىق اقپارات قۇرالدارى دا، باسقا ۇيىمدار دا تاپسىرىس بەرەدى. سايلاۋدا جەڭىسكە جەتۋدىڭ ناقتى مۇمكىندىگى تەك ەكى كانديداتتا — قازىرگى پرەزيدەنت رەجەپ تايىپ ەردوعان مەن بىرىككەن وپپوزيتسيا جەتەكشىسى كەمال كىلىشداروعلۋدا بار. ساراپشىلار، ادەتتە، الەۋمەتتانۋدىڭ ءارتۇرلى دارەجەدە قاتەلىكتەرى بولۋى مۇمكىن ەكەنىن، سوندىقتان ءار ۋاقىتتا ناقتى جاعدايدى كورسەتە بەرمەيتىنىن ايتادى. ماسەلەن ا ق ش- تىڭ 2016 -جىلعى پرەزيدەنتتىك سايلاۋىندا ساۋالنامالار حيلاري كلينتوننىڭ جەڭىسىنە سەنىمدى بولدى، ءبىراق دونالد ترامپ پرەزيدەنت بولىپ سايلاندى. سوعان قاراماستان، 2023 -جىلعى پرەزيدەنتتىك سايلاۋ قارساڭىندا تۇرىك الەۋمەتتانۋشىلارى جۇرگىزگەن بارلىق ساۋالنامالار ەكى نەگىزگى ۇمىتكەردىڭ قاتار كەلە جاتقانىن جاتقانىن كورسەتتى»، دەدى زارەما شاۋكەنوۆا اگەنتتىك تىلشىسىنە بەرگەن پىكىرىندە.
ونىڭ ايتۋىنشا، الەۋمەتتانۋلىق ساۋالنامالار جازعان ەڭ ىقتيمال سسەناري - ەكى ۇمىتكەردىڭ دە ءبىرىنشى تۋردا 50 پايىزدان از داۋىس جيناپ، ەكىنشى تۋرعا قالۋى بولۋى مۇمكىن.
«ەردوعان 20 جىلدان بەرى بيلىكتە وتىر. ءار جىلدارى ول تۇركيانىڭ پرەمەر- ءمينيسترى (2003-2014) جانە پرەزيدەنتى (2014 — قازىرگى) قىزمەتتەرىن اتقاردى. ءوزىنىڭ ساياسي مانسابىندا ول سايلاۋدا ەشقاشان ۇتىلعان ەمەس. ول ءىرى الەمدىك كوشباسشى بولىپ سانالادى جانە حالىق وسىنداي باسشىمەن جاڭا سىناقتاردان وتەمىز دەپ سانايدى. ر. ەردوعاننىڭ باستى قارسىلاسى كىلىشداروعلۋ تۇركيا مەملەكەتىنىڭ نەگىزىن قالاۋشى كەمال اتاتۇرىك قۇرعان ەڭ كونە «رەسپۋبليكالىق حالىق پارتياسىن» باسقارادى. ونى التى وپپوزيتسيالىق پارتيانىڭ اليانسى ۇسىندى جانە ەكى ىقپالدى ساياساتكەردىڭ - ىستانبۇل مەرى ەكرەم يماموگلۋ مەن انكارا مەرى مانسۋر ياۆاشتىڭ قولداۋىنا يە بولدى. قازىرگى پرەزيدەنتتىڭ كوپتەگەن جاقتاستارى تۇرىك ۇلتىنىڭ بىرلىگى يدەياسىمەن بىرىكتىرىلگەن، ال ولاردىڭ قارسىلاستارى، وپپوزيتسيانىڭ كوپتەگەن جاقتاستارى قوعام پليۋراليزمىنە سۇيەنەدى»، - دەيدى زارەما شاۋكەنوۆا.
ساراپشىنىڭ پىكىرىنشە، تۇركياداعى پرەزيدەنتتىك سايلاۋدا پولياريزاتسيا جانە تۇرىك سايلاۋشىلارىنىڭ جوعارى دەڭگەيدە جۇمىلدىرىلۋىن كورىپ وتىرمىز. بارلىق ەكزيتپولدار ەلدە % 80-90 شاماسىندا رەكوردتىق داۋىس بەرۋ كۇتىلەتىنىن كورسەتەدى.
«87 سايلاۋ وكرۋگىندەگى 190 مىڭنان استام سايلاۋ ۋچاسكەلەرىندە كۇنى بويى سايلاۋشىلاردىڭ بەلسەندىلىگى جوعارى بولدى. ءدال وسى سايلاۋشىلار، تۇرىك حالقى پرەزيدەنتىنىڭ كىم بولاتىنىن شەشەدى. ال تۇركياداعى پرەزيدەنتتىك سايلاۋدىڭ الدىن الا ناتيجەلەرىن ءبىز الەۋمەتتانۋشىلاردىڭ ارقاسىندا، ولاردىڭ ەكزيتپۋلدارىنىڭ ناتيجەلەرى ارقىلى ءبىلىپ وتىرامىز»، - دەپ تۇيىندەدى زارەما شاۋكەنوۆا.
